1 Korintus 8:9 - ALLAH ANE WENW KET MEKE WAROGO WOKNINAKHIKHE WENE

⁹ Hit yugunat nausagat mekeat he, nukunem nen, it akhuni aperek inetaiken akut meke weak asunogo iluk, hinobabut hebelogo dogono.

1 Korintus 8:9 ပူးပေါင်းရင်းမြစ်များ

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Roma 15:1

Nit aperek, ninetaiken Allah oba horlerogon hakotdiluk welago meke nen, ninekaerek hasik anek ninakla hanorogon hagakhidek, it aperek inetaiken abanma aborlok werek meke iti, yomageisekhe dogosak o.

1 Korintus 10:24

Yi meke ti meke hinekaerek hasik kogotdekhe dogogup. At he, it akhuni aperek inobasik kogotdekhe dogono.

1 Korintus 10:28

Itithogon mekeat he, it aperek nen, “Yi kaneke ako wakha meke karlelek,” iluk yokhisekho halok, at yokhisekhe meke iti ebe hasik, etaiken hasik, nukup o.

1 Korintus 10:29

Itithogon igi iti, hit hinekaerek hinetaiken akin asusak meke hasik igi 'buk. At ageikhe yokhisagein meke iti etaiken akin asusak meke hasik igi o. Meke re, hit aperek nen, “An yugunat nausak werek korlegat, at iti etaiken akin asunogo iluk an nikidek kamotdusak iti nenaluk.

1 Korintus 10:32

Akhuni Allah a'buri meke inom, nen, it Yahudi meke inom, Yunani meke inom, weak asunogo iluk hinobabut mothogon hagakhe dogono o.

1 Korintus 8:10

Hat ageikhe nen, wene iti hilu dogolik o wam kaneke ako wakharekma ukiluk hebe hurek latluk nigin halok he, at ageikhe etaiken akut meke nen ileken healok akla nen, “An ageikhe niginat o,” iluk akla kagalasigin dek nogo a? Akla kagalatluk niginat o.

1 Korintus 8:12

Hinagarlak lak hinerugi inetaiken aban meke inil damelogo weagarinakhik, inakla kagalhik, hagakhe lagap iti, Kristus ebeat il damelogo hagakhe lagap o.

1 Korintus 9:22

It akhuni inetaiken aban meke Kristus hasik woginabigiluk an nobabut netaiken aban meke thalek welagei. It akhuni tha'bokhogonat inobabut hagakharek tomok hagakhe lagei iti, it meke aperek tilinabigiluk itithogon hagakhe lagei o.

2 Korintus 11:21

Nit meneke, itithogon hagasusak, ninobabut ninayuk nen huk agagu iluk usak, nekarli kogat hausak nogo a? Dek o. It akhuni kepu meke nen egarek hak ageikhe yokhisak. At ageikhe ekarli dek hogorakhekhe halok he, an meneke, nekarli dek hogorakhausagat o.

2 Korintus 11:29

At ageikhe erlok dek aga halok he, an erlok dek asu hak, nakla weak agaregat. Nen, at ageikhe weak meke nen akla kagalhunem weak aga halok, an nakla aga dageikheregat.

2 Korintus 6:3

Akhuni aperek nen he, “Hit Allah hasik hagakhe lagap iti korlo hagakhe lagap,” iluk ninabok weak palunogo iluk, akhuni aperek weak hagasuagaluk inakla kagalogo yi meke ti meke korlo'ba hagakhe lago dek.

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.

Kolose 2:8

Itithogon isi werekma, akhuni aperek inakla kagalek meke thalek, wene we meke inekalat yokhisekhe dogolik, nukhetdinaginogo iluk, hinobabut hebelogo dogono. Wene iti, Kristus nen isikhe meke tak-tak iliogei 'buk. Weat, akhuni itaklarik waga korlek, inopa lak nen, “O yoma yi meke ti meke herlaga, mokat inobabut weak meke itiat o,” iluk ekhe lagoukha meke tak-tagat nukhetdinagaliogei iti.

1 Petrus 2:16

Itithogon dogolik, hit nen, “Nit weak meke apma werekma, Allah nen herle hisalogo ninasokneat 'binanhikhemo welago,” iluk, weak ageikhe limago hagakhe dogogup. Hinobabut Allah atuaneke dogolik hagasusak meke mothogonat hagakhe dogono o.

2 Petrus 2:19

Akhuni tha'bokhogonat nen, yi meke ti meke obatne atluk obatne degetdisinem, obatne asigin meke iti atuaneke welageikharek iti nen, it iti, inekaerek inebe weagarinakherek meke iti atuaneke dogolik, it akhuni aperek yogeisekhe dogolik, “Hit nit ninobabut waganugun halok he, yabokane hinasokneat asugun o,” iluk we yugunat yogeisekhe dogogun iti.

A'bikaka 2:14

Itithogonat meke re, wene 'bugurlagat ageikhe an na'it meke hagakhe lagap meke iti yokhisak o. Haganeat akhuni israel meke inebe weak asuagaluk, wam kaneke ako warek meke karlelek nikik, param hagakhik, hagasuagaluk, ap Bileam nen ap Balak yakulikhikhemo, at nen inakla kagalhe lageikhe meke iti, hit aperek nen at awene iti hago welagap hisigi o.