1 Korintus 8:4 - ALLAH ANE WENW KET MEKE WAROGO WOKNINAKHIKHE WENE

⁴ Kaneke ako wakharek iti re, kaneke agat oba meke yoma ebe dek mekeat, iluk ninilu. Ninopase Allah ebe opakiat. Ageikhe motok dek o.

1 Korintus 8:4 ပူးပေါင်းရင်းမြစ်များ

Markus 12:29

Hinok oba waganhikhemo, at Yesus nen men yogokhikhe, “Wene iti hok he, Musa nen men isikhe Hit ap Yahudi meke yi hinasuk holini! Ninopase Etagapogot Allah arligat o.

La'isasikhe 14:15

“Ap yirani. Hit nikithogon hagakhe lagap. Nagarlak lak nerugi. Nit ninebe hit hakene akhuni mekeat. Meke re, hit nen yi meke ti meke weat meke hagakhe lagap iti here'isalok nen, hinobabut hebelatluk, hinelokhe Allah iluk motok welagarek meke iti wogosubageik nen iluk wene yokhisa ago meke o. At Allah iti, pogot men, agat men, i laut kok yekelek men, yi meke ti meke pogot oba, agat oba, ima welagarek meke men, walhasikhe meke o.

La'isasikhe 15:20

Nit nen, wene men iluk holal waganogo inoba la'usak. Kaneke oba inetaiken hakotdiluk dogolik ako warekharek meke palek nukunem inebe weagarageikharek meke iti nausak dek. Param hagarinabusak dek. Nen, yi meke ti meke arlokop pethelogo warek meke nikik, mep nikik, nausak degat, iluk inasuk warogo inoba la'uok o.

La'isasikhe 19:26

Meke re, yogotak at Paulus iti hagariogo meke, hinileken tomok higik, hinasuk holhik, hagakhe lagap. At nen, Akhuni iniki nen kaneke hagakharek iti, ebe walhenak meke dek o, iluk yogeisugunem, akhuni doalegat nen, Wene iti eberogonat, iluk waganha iti, horok o kota Efesus yoma meke anek 'buk. O propinsi Asia meke akhuni tha'bokhogonat waganhamaat o.

1 Korintus 8:1

Hit nen he, “Kaneke ako wakharek iti, wene erlo yigithogon iluk ninilu anek,” egethep iti, nit hutdogo. Meke re, wene itithogon inilu dogolik, inekaerek nen hogorakhegarek mekeat he, akhuni inebe inakmu dogolik hagakharek anek he, inetaiken horlerinakharek iti.

1 Korintus 8:10

Hat ageikhe nen, wene iti hilu dogolik o wam kaneke ako wakharekma ukiluk hebe hurek latluk nigin halok he, at ageikhe etaiken akut meke nen ileken healok akla nen, “An ageikhe niginat o,” iluk akla kagalasigin dek nogo a? Akla kagalatluk niginat o.

1 Korintus 8:11

Hat nen, “An wene nilu o,” iluk itithogon hagasigin iti baga, hagarlak ageikhe etaiken aban meke hasik Kristus watlageikhe mekeat he, hat nen weagatdigin iti o.

Galatia 4:8

Hit alebat nen, Allah ebe hinokodek welagagip iti nen, ninat meke ebe Allah hakene dekmaat apma welagagip iti.

Efesus 4:6

Ninebe tha'bokhogonat ninopase Allah opakiat. At arligat ebe kok Etagapogot upu yaat welagarek. Nit tha'bokhogonat nen yi meke ti meke hagakhorek iti, ebe at nenat hagakherek o. Hagakhe dogolik, ebe nit tha'bokhogonat ninakla welagarek iti o.

1 Timotius 1:17

Ninopase kok Etagapogot Allah iti arligat o. At ebe ninileken hogorek dek. Kok ikhok motok welagarek meke itiat o, iluk, hogorakhik, heagei wakhik, hagakho motok dogouok o, iluk, “Amin,” igi iti o.

1 Timotius 2:5

Allah ebe opakiat anek o. Nen Allah ninom nit akhuni ninom turlem heisogo dogolik dapulninabiogo meke ap ebe Yesus Kristus iti opakiat anek o.

Yudas 1:25

Ninopase Allah arligat nen ninoe Etagapogot Yesus Kristus hagakhikhe iti baga tilninakhikhe meke etnogo iteerek obatneak o, iluk, at hogorakhik, kogotdigik, hagakhe dogouok nen, erlo baga yi meke ti meke walhigidekma Allah arligat welageikhe iti baga nen, yogotak ya nen, yabokane motok dogolik nen, itithogon hogorakho motok dogoak, iluk, “Amin,” igi iti.