1 Korintus 7:9 - ALLAH ANE WENW KET MEKE WAROGO WOKNINAKHIKHE WENE

⁹ Hinetaiken thebelusak erlok dek aga halok he, hinagugi tomok, hinaguni tomok, woginakhe dogono. Hinoba agaken dageisinem yugunat hagasumo weak o. Hinaguni tomok, hinagugi tomok, waganek dogoumo hano.

1 Korintus 7:9 ပူးပေါင်းရင်းမြစ်များ

La'isasikhe 19:36

Akhuni aperek nen, Wene iti dek mekeat o, iluk thagalusak dek. Halok he, hit yoma nen hinetaiken dek negen yigithogon tigithogon ageikhe hagakhidek, hinaborlok degat dogosak o.

1 Korintus 7:2

Mekeat he, param hagakhe dogunogo iluk, ap inagugi tomok waganek welageik, humi inaguni tomok waganek welageik, dogosak o.

1 Korintus 7:28

Meke re, hit ap nen hinagugi horlegep halok he, iti weak hagakhep iluk usak dek o. Nen, hit homagarlugi tharlisik meke nen hinaguni horlegep halok he, iti weak hagakhep usak degat o. Meke re, woginabiluk nen yi akin ti akin hugun iti nen, itithogon haunogo iluk igi o.

1 Korintus 7:36

Ap ageikhe nen horlak tharlisik meke ipisak wene warek dogolik, akla nen, “An yigithogon weak welagei. Horlak iti ebe waganigin o,” iluk oba agaken dageikhe halok he, at akla itithogon apekhesikmo, he ebe waganusak o. Waganigin iti weak 'buk. Hano o.

1 Korintus 7:39

It humi inaguni inebe iniluk werek korlek, ap ninat meke ageikhe woginabusak dek o. Inaguni inebe watlago halogat, inakla warlok apiliogei meke woginabusak. Meke re, yugunat meke woginabusak dek. Ninoe Etagapogot inom hunik meke anek woginabusak o.

1 Tesalonika 4:4

Itithogon dogolik, hinagugi dopok woginabiluk nen, hinom hano dogolik, hinebe an nobasik 'baniluk karelek dogolik, hinobabut inalon halogo hagakharek tak-tagat hagakhe dogono.

1 Timotius 5:11

It humi thoge tugum aban meke iti, Kristus inom hunik werek mekeat he, here'isalok, inoba agaken nen inetaiken thebelusak dek asumo, ap ageikhe waganusak iti nen inetaga holal waganhun o.

1 Timotius 5:14

Halok he, it humi thoge aperek Iblis oporlik mirlokhogon horla lageikha iti nen, it aperek nit Allah a'buri ninom wim palek hakene meke nen ninabok weak palunogo iluk, it humi thoge tugum meke iti, inaguni tomok woginabiluk nen, ineagei itago hanorogon karelogo hagasik dogoagaluk igi iti o.