1 Korintus 7:2 - ALLAH ANE WENW KET MEKE WAROGO WOKNINAKHIKHE WENE

² Mekeat he, param hagakhe dogunogo iluk, ap inagugi tomok waganek welageik, humi inaguni tomok waganek welageik, dogosak o.

1 Korintus 7:2 ပူးပေါင်းရင်းမြစ်များ

Matius 5:32

Itithogon meke re, an nen wene ageikhe yi yokhisak. Ap ageikhe age waganek meke, it ap ninat meke param ha'igidekmaat, lologo thogotdisekhe halok, he iti param hagasuagaluk thogotdisekhe o. Nen, at ap ageikhe nen, he lologo here'igin meke iti waganhe halok, at ap iti paramat hagasigin o,” iluk yogeisasikhe.

1 Korintus 6:18

Humi yugunat ha'isegarek iti meke ha'isekhe dogunogo iluk, lo laga dogono o. Yi weak ti weak hagakharek iti inebe itikmanke yiat hagakharek. Mekeat he, humi yugunat ha'isegarek iti, inekaerek inebeat weagatdakhegarek iti o.

1 Korintus 7:1

Hit nen wene holal waganogo noba la'i agap etnogo, oko yokhisak o. Ap nen, humi waganhidek elege werlegat dogosak hano.

1 Korintus 7:3

Inaguni nen, inagugi tomok, nen, inagugi nen inaguni tomok, inom noge ekhe dogosak mekeat noge ekhe dogosak o.

1 Korintus 7:9

Hinetaiken thebelusak erlok dek aga halok he, hinagugi tomok, hinaguni tomok, woginakhe dogono. Hinoba agaken dageisinem yugunat hagasumo weak o. Hinaguni tomok, hinagugi tomok, waganek dogoumo hano.

Efesus 5:28

Iti hak, hit ap nen he, hinekaerek hinebe hinakmu welagathep iti hak, hinagugi tomok inebe, “An nekaerek nebe hakeneat,” iluk, hinakmurogon dogono. Ap he, inagugi inakmurogon welageikharek meke iti, inekaerek inebeat inakmurogon welageikharek o.

Efesus 5:33

Meke re, hit hinebe hasik inomat isikhe. Hit ap he, hinekaerek hinebe hinakmurogo welagathep hak, hinagugi tomok hinakmurogon welageik, hit humi hinaguni tomok inalonerinakhik, hagakhe dogono o.

1 Tesalonika 4:4

Itithogon dogolik, hinagugi dopok woginabiluk nen, hinom hano dogolik, hinebe an nobasik 'baniluk karelek dogolik, hinobabut inalon halogo hagakharek tak-tagat hagakhe dogono.

1 Timotius 4:3

It nen wene ekhe dogolik, Humi woginabusak motok dek, igik, Yi meke ti meke nekarek meke iti, ageikhe yi meke usa. Neke dogosak dek, igik, ekhe dogogun,” iluk, Allah Agoreke nen yoknisasikhe tak-tagat iliogei iti o. Meke re, nekarek meke iti, Allah nen nit ninetaiken at oba hakotdiluk dogolik, ebe wene iti hutdogo halok he, heagei warogo neke dogoagaluk winametdisikhe meke hasigat iliogei iti o.