1 Korintus 7:10 - ALLAH ANE WENW KET MEKE WAROGO WOKNINAKHIKHE WENE

¹⁰ Nen, hit ap aperek, hinagugi werek meke inom, hit humi aperek hinaguni werek meke inom, an nen hinasuk wasigin o. Meke re, an nen 'buk. Ninoe Etagapogot nen hinasuk wasigin o. Hit humi hinaguni here'isalok nen, dukhugup o.

1 Korintus 7:10 ပူးပေါင်းရင်းမြစ်များ

Matius 5:32

Itithogon meke re, an nen wene ageikhe yi yokhisak. Ap ageikhe age waganek meke, it ap ninat meke param ha'igidekmaat, lologo thogotdisekhe halok, he iti param hagasuagaluk thogotdisekhe o. Nen, at ap ageikhe nen, he lologo here'igin meke iti waganhe halok, at ap iti paramat hagasigin o,” iluk yogeisasikhe.

Markus 10:2

Yakulisugunem, ap Farisi meke aperek Yesus oba wagoukhaat. Wagoukhasik men yogokhukha, “Yesus. Ap nen, he waganek meke lologo here'isausak erlok a? Erlok dek a,” iluk obabut paluogoluk hinok waganhukha.

Lukas 16:18

Ap tha nen age waganek meke lologo here'isalok nen, yabokane he ninat meke ageikhe waganhe halok he, paramat hagasigin o. Nen, ap tha nen, he agun nen lologo here'isagein meke waganhe halok he, paramat waganigin o,” iluk yogeisasikhe.

1 Korintus 7:11

Hat he ageikhe hagun here'isalok dukhegen halok he, ap ageikhe waganhidek werlegat dogono. Werlegat dogosak erlok dek aga halok he, hagun alep meke itiat waganin o. Nen, hit ap meneke, hinagugi lologo here'isugubat o.

1 Korintus 7:12

Hit aperek hasik, wene ninoe Etagapogot nen igidek meke, an nenat yokhisak o. Hat ap Allah a'but meke nen, hage etaiken Kristus oba hakotdigidek meke waganek welagan meke, at nen he, “Nagun nipisak dapukhogon dogosak,” iluk apekherek halok, hano. Hat nen, hage iti here'isausak motok dek o.

1 Korintus 7:15

At ap etaiken Kristus oba hakotdigidek meke iti age here'isekhe halok he, here'isoagat o. Nen, at he etaiken Kristus oba hakotdigidek meke iti agun here'isalok dukhekhe halok he, dukhuagat o. Allah nen he, ninetaiken hapukhogon hano dogoagaluk ninayoko 'bisikhe iti nen he, itithogon hagasugun halok, wene hinoba 'busak dek o.

1 Korintus 7:25

Wene homagarlugi tharlisik meke hasik, “Itithogon hagakhe dogono,” iluk ninoe Etagapogot nen ninasuk wakhidek mekeat he, wene an nakla apekhe lagei meke yi yokhisak. Nane yokhisagein yi, hit hinakla nen, “Allah nen Paulus ebe akmu nen waganhikhemo obabut hupulik meke nen yoknisekhe iti eberogonat,” iluk hinakla apano o.

1 Korintus 7:40

Itithogon woginabusak mekeat he, waganhidek werlegat dogoumo, inakla hano motok dogosak apekhe lagei o. Itithogon apekhe lagei iti, Allah Agoreke nakla dogolik apekhe lagei.

1 Korintus 7:6

Wene yokhisigi iti, nane obatnerogon yokhisigi 'buk. Weat hinasuk wakhi o.