1 Korintus 5:6 - ALLAH ANE WENW KET MEKE WAROGO WOKNINAKHIKHE WENE

⁶ Akhuni nen inane dagakhogon ekhe dogolik, “Hipiri roti meke hisuagaluk eken hikherek meke herlekha'bugat akla 'bilukmo nen, roti ebe tha'bokhogonat hikherek o,” iluk egarek etnogo hinokodek nogo a? Hinilu dogolik hogorakhekhe lagap iti hano 'buk. Weak o.

1 Korintus 5:6 ပူးပေါင်းရင်းမြစ်များ

Matius 13:33

Itithogon yogeisasikhesik nen, wene ageikhe oba lisogon men yogeisasikhe, “Nopase kok pogot oba meke nen apma 'bisekherek ebe re, eken roti akla usa'isinem hikherek iti hakeneat o. He ageikhe nen gandum tamelek tepung wul hakene meke 40 kilo walhalok waganhikhesik, eken roti hisuagaluk akla usa'iluk abel dagalogo hagakhikhemo ebe tha'bokhogonat motok hikhikhe iti hakeneat o,” iluk yogeisasikhe.

Lukas 13:21

Iti re, eken roti hisuagaluk akla usakharek meke iti hakeneat o. He ageikhe nen gandum eken tamelek tepung wul hakene etnogo meke 40 kilo walhalok 'biluk, eken roti hisuagaluk akla usakharek meke iti akla usa'iluk abel dagalogo hagakhikhemo, ebe motok hikhikhe iti hagat o,” iluk yogeisasikhe.

Roma 6:16

Hit nen, ap ageikhe atuaneke atluk nen, ane holek dogouogoluk, apma ukiluk dogolik, at ane holhe lagap halok he, at atuaneke mekeat welago iluk hinokodek nogo? Weak hagakharek meke iti apma ukiluk nen, ilugun oba watlageikharek iti. Mekeat he, at Allah ane holek dogolik, at apma ukilukmo, ilugun oba at nen wene ninoba meke korogo wokhalok at ninom yabokane ninapuke hunogo 'binanherek iti.

1 Korintus 15:33

Akhuni nen ekhe dogolik, “It aperek inobabut weak meke hinom hunisugun halok he, hit hinobabut hano meke weak asigin o,” iluk egarek iti eberogonat iluk hinekaerek nen hinebe dalugup o.

1 Korintus 3:21

Halok he, an Paulus nebe inom, at Apolos ebe inom, Kepas ebe inom, o agat oba yoma tha'bokhogonat inom, iniluk welageikharek iti inom, watlageikharek iti inom, o yogotak ya welageikharek meke inom, yabokane hagatlasigin meke inom, etoma ta'bokhogonat, hit iteerek iti nen, hit nen he, “An noe iti o,” iluk akhuni meke hasik hogorakhugup o.

1 Korintus 5:2

Itithogon hagakhe korlegat, hit hogorakhekhe lagap iti. Hit hagasusak he, hinakla weak atluk, ap weak hagakhe werek iti, ula'isausak meke hinom dapukhogon welagap iti.

Galatia 5:9

Roti hisuagaluk eken hikherek meke hemurlugat akla 'bisinem tha'bokhogonat hisik dukhekherek hak, wene korlo meke iti nen hinebe tha'bokhogonat weagathinabik launogo iluk igi.

2 Timotius 2:17

Wene ebe wene dekmaat yakulisiliogei meke iti, akhuni inagalumo aikharlu palinakhunem, ibikakal-ebekakalat kok agarek hak, it iti inane itithogonat iliogei iti baga it aperek kogat weagarinabiogei iti o. Ap Himeneus Filetus ipisak itithogon hagakhe dogolik,

Yakobus 4:16

hinekaerek nen hogorakhigik, siatdakhigik, hagarik nekhe lagap iti re! Itithogon hogorakhekhe lagap iti korloat o.