1 Korintus 5:3 - ALLAH ANE WENW KET MEKE WAROGO WOKNINAKHIKHE WENE

^3-4 An nebe walegat welagei meke re, netaiken hit ninom welago hakene o. Iti nen, nebe ninom dogolik u hak, ninoe Etagapogot Yesus etaga palogo, at ap weak hagakhe werek iti wene oba 'bigima werek o. Halok he, hit opakimo natogokhunem, an netaiken ninom welago hakene iti nen, ninoe Etagapogot Yesus obatne baga, men hagatno.

1 Korintus 5:3 ပူးပေါင်းရင်းမြစ်များ

1 Korintus 5:12

It akhuni Allah ane inokodek meke wene an nen inoba 'busak nogo a? Dek o. Allah nen inoba 'bigin werek o. Allah ane holal waganogo 'bekhe dogolik, men isukha, “At ageikhe hinakla dogolik weak hagariogo meke iti, ula'isano,” iluk isikhemo holal waganogo 'bisukhama werek iti nen, ap ageikhe hit Allah a'buri hinom natogokhe lagap meke nen weak hagakhe halok, hit nen wene oba 'busak dek a? 'Busagat o.

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 10:11

Nit yabokane witluk nen, it itithogon iliogei meke iti, ninebe walegat dogolik wene holal waganogo la'i ago meke tak-tagat hagasisugun iti nen, hutdiluk dogoak o.

2 Korintus 13:2

An alep niki ageikhe wagagisik oba nen yabokane wagagi iti baga, it akhuni hit meke aperek alebat weak hagakhukha meke inom, nen it aperek o etoma meke inebe tha'bokhogonat inom, inasuk wakhigi meke yogotak an nebe walegat dogolik inakla eberogo yogeisageinat o. An yabokane witluk nen, it iti thebelogo 'bisasigin dek. Ukum inoba 'bisigin o.

Kolose 2:5

An nebe walegat welagei mekeat he, netaiken hit hinoba la'i agarik, ninom etoma welago hakene. Dogolik, hinetaiken Kristus oba hakotdiluk hinetaiken opakiat hinobatnerogon mothogon hagakhunem nileken hisekhe lageiatma, nakla arleken akhekhe lagei o.

1 Tesalonika 2:17

Nagarlak lak nerugi. Nit nen hit hinasokne 'binageiluk wagagusik, yogotak ya elanma hasik ninebe walegat welago mekeat he, ninetaike hit ninom opakimo welago hakene iti o. Itithogon dogolik, “Inelokhoken ninileken hisa lelo e,” iluk, haganeat nen ninakla warlok motok apekhe dogolik hinoba wisuogoluk walhekhe lagosik.