1 Korintus 4:8 - ALLAH ANE WENW KET MEKE WAROGO WOKNINAKHIKHE WENE

⁸ Hit yi meke ti meke arat horlegep higi. Arat kok akhegep higi. Nit kepu werek korlek, hit anek he, hinetagapogot arat akhegep higi. Hit itithogon hinetagapogot atlepma, nit ninomat ninetagapogot dogolo o. Mekeat he, dek o.

1 Korintus 4:8 ပူးပေါင်းရင်းမြစ်များ

Matius 5:1

Akhuni doalegat wagunem, at Yesus ileken 'birisalok nen, tom oba dageisikhesik hurek lageikhemo, it at ane waganhe lagoukha meke emenogo oba wagoukha.

Lukas 6:25

Nen, hit aperek yogotak elanma hasik anek hinelabut hina'ithogon neke lagap meke yi. Eiye! Yabokane hipiri no hugun o. Nen, hit yogotak elanma hasik anek eto aga lagap meke iti. Eiye! Hinetaiken warekhe dogolik de asugunat o.

La'isasikhe 26:29

Itithogon yogokhikhemo, at Paulus nen, “Yogotak ya a? Dogoluk nen a. Hat men, hit aperek nane yogotak holhe lagap meke hinebe tha'bokhogonat men, an niki herle warek welagei yi hakene anek hinoba ageidek, an welagarek hak hagatlasubageik iluk Allah ayoko 'bekhe lagei o,” iluk yogokhikhe.

Roma 12:3

At Allah obabut hano nen, yigithogon hagakhe dogoagaluk nayoko 'bisikhe iti nen, wene ageikhe yi hinebe tomok hinasuk wasik. Hit he, it aperek inapma dogosak werek korlek, hinakla nen, “An nebe kok,” iluk hinetaiken siatdakhausak dek. At he, Allah nen hinebe tomok hinetaiken at oba hakotdekhe dogoagaluk hinobabut tomok wokhisasikhe tak-tagat, hinetaiken thebekhogon dogolik hinobabut palekhe dogono.

1 Korintus 1:5

Hit Kristus hinom hunik werekma Allah nen hinebe hano meke wokhisekhemo welagap. Itithogon dogolik, yi wene ti wene Allah ane iti erlo hinilu motok agasip nen, wene hano motok yakulisekhe lagap o.

1 Korintus 4:18

An hit hinoba wisigin dek thalek, hit aperek hinekaerek nen hogorakhegep iti o.

1 Korintus 5:6

Akhuni nen inane dagakhogon ekhe dogolik, “Hipiri roti meke hisuagaluk eken hikherek meke herlekha'bugat akla 'bilukmo nen, roti ebe tha'bokhogonat hikherek o,” iluk egarek etnogo hinokodek nogo a? Hinilu dogolik hogorakhekhe lagap iti hano 'buk. Weak o.

2 Korintus 11:1

An nen wene herlekha'bugat akhuni kepu meke nen egarek hak igin yi re, wenaknikhidek, hinasuk holek dogobageik iluk yokhisigi. Hinasuk holek dogoni o.

2 Korintus 13:9

Nit erlok dek werek korlek he, hit hinobatne werek dogosak halok he, hano iluk, ninakla arleken akhekhe lago. Iti hasigat, hit hinetaiken 'bogokhogon horle asuagaluk, Allah ayoko 'bekhe lago.

Galatia 6:3

Meke re, hat ageikhe hetaga dek dogoligat, “An kok,” iluk, hakla nen apekhe lagan halok he, hekaerek nen nukhetdakhekhe lagan iti.

Filipi 1:27

Wene hano wene Kristus nen hagakhikhe wene etnogo baga, “Yigithogon hagakhe dogono, tigithogon hagakhe dogono,” iluk yokhisegarek mekeat hagakhe dogono. Itithogon hagakhe dogolik, hinebe opakiat dapukhogon hagakhe dogoumo, it akhuni aperek nen hinabok ekhe dogolik, “It inobabut hano wene yogeisugunem holiogei tak-tagat inetaiken Allah oba hakotdiluk obatnerogon metek werek o,” iluk, an nebe walegat werekma yoknisugun a? Hinoba witluk nileken hisagein a. Wene hano wene yokhisogorek hak, hinetaiken opakiat hinom dapukhogon dogolik, wim yakhe dogolik obatnerogon yakharek hak, wene iti hasik hinobatnerogon hagakhe dogono.

Filipi 2:12

Nagarlak lak nerugi. Hinebe nakmu o. An ninom dogolik, nane hibiku-yogoku isinem hologo hagakhe lagagip iti hagat, an yogotak nebe walegat werek korlek, nane itiat kogotdiluk nen, hologo motok hagakhe dogono. At Allah nen, hit nen hagakhe dogobageik iluk, hinakla kagalogo hagathinakhunem, hit hinakla nen, “I, nit itithogon hagakhe dogou warlok,” iluk apalok, Allah akla warlok meke hagakhe lagap iti nen, at ebe hinayukhogon hinoageleke dik-dik hagakhe dogolik, “At nen tilninabigin,” iluk iti hasigat hagakho motok dogono.

A'bikaka 3:17

Hit he, hinerlageigat hinileken pugat, hinalpalegat dogolik, Nit ninebe inakmu negen motok weagat welago, iluk hutdigidek, hit nen ekhe dogolik, Nit he, ninebe ninekaerek nen kogorakhogosik, yi meke ti meke ninerlageik ageidek, ninikieregat welago, iluk ekhe lagap iti.