Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korintus 4:7 - ALLAH ANE WENW KET MEKE WAROGO WOKNINAKHIKHE WENE

7 “It aperek iti erlok dek meke re, ageikhe iti anek he, kok motok, iluk ekhe dogono,” iluk tha nen yakulhisasikhemo. Hit hinameke yi meke ti meke horlekhe lagap iti, Allah nenat wokhisekherek dek nogo a? At nenat wokhisekherek o. Itithogon wokhisugunem horlekhe lagap mekeat he, hit nen winametdegep meke thalek hinekaerek nen hogorakhekhe lagap iti nenaluk.

အခန်းကိုကြည့်ပါ။ ကော်ပီ




1 Korintus 4:7
29 ပူးပေါင်းရင်းမြစ်များ  

Itithogon akla apasikhesik dogolik at atuaneke meke inebe 10 oba waisasikhemo wagoukhama, uang emas kok meke ebe 10 baga inebe tomok opakitek supurogo wogeisekhe dogolik, men yogeisasikhe, An aban wageidek werek korlek, nauang yi baga thabusogo doalek-harluadekhogon hagakhe dogono, iluk yogeisasikhesik nen, at etnogo lageikhe.


Nen, at obabut hano motok nen ninebe tha'bokhogonat eran-alep hanotninakho motok werek o.


Itithogon yogokhukhama, at nen, men yogeisasikhe, “Warligi yi. Nagarumi. Ap ageikhe Allah nen yogokhidekma, at ekaerek akla nen kagalogo erlok hagasusak erlok dek o.


At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.


At Allah obabut hano nen, yigithogon hagakhe dogoagaluk nayoko 'bisikhe iti nen, wene ageikhe yi hinebe tomok hinasuk wasik. Hit he, it aperek inapma dogosak werek korlek, hinakla nen, “An nebe kok,” iluk hinetaiken siatdakhausak dek. At he, Allah nen hinebe tomok hinetaiken at oba hakotdekhe dogoagaluk hinobabut tomok wokhisasikhe tak-tagat, hinetaiken thebekhogon dogolik hinobabut palekhe dogono.


At Allah obabut hano nen, nit tha'bokhogonat ninobabut tomok woknisasikhe iti nen, at nen woknisasikhe tak-tagat hagakhe dogosak o. It aperek nen Allah ane yogeisekhe dogoagaluk inobabut wogeisasikhe meke, inetaiken at oba hakotdiluk welageikharek tak-tagat yogeisekhe dogosak.


Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.


At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.


Akhuni nen inane dagakhogon ekhe dogolik, “Hipiri roti meke hisuagaluk eken hikherek meke herlekha'bugat akla 'bilukmo nen, roti ebe tha'bokhogonat hikherek o,” iluk egarek etnogo hinokodek nogo a? Hinilu dogolik hogorakhekhe lagap iti hano 'buk. Weak o.


Akhuni tha'bokhogonat, an he dek werlegat welagarek hak dogoumo, hano, iluk apegerek mekeat he, at Allah nen ninobabut tomok, at ageikhe obabut ninat, at ageikhe obabut ninat, woknisasikhe iti nenat he, itithogon erlok dek o.


Ninopase Allah pogot oba meke etnogo nenat yi meke ti meke hano meke woknisigik, hano motok meke woknisigik, usaknisa agarek iti. At nenat pogot obake lia welagarek meke iti winametdisikhesik nen, at ebe ninat hagatlageik, abel dagakhogon mum ageik, lia ageik, hagakherek dek.


At Allah obabut hano nen, ninebe dopok ninobabut tomok woknisasikhe tak-tagat, hinebe dopok nen iti meke hano ite dogolik, hit-hit yomak-yomak hagakhe dogono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ