1 Korintus 3:8 - ALLAH ANE WENW KET MEKE WAROGO WOKNINAKHIKHE WENE

⁸ Ai yakharek meke iti, i tialharek meke iti, nipisak tak-tak mekeat, niniki oko, ninebe tomok yabu hagakhe dogogun meke tak-takhogonat woknisagein o.

1 Korintus 3:8 ပူးပေါင်းရင်းမြစ်များ

Matius 16:27

An abat itaklasi agagi etnogo re, yabokane nopase hogorakho motok welageikharek iti hagat, hagalatluk, it malaikat Allah nen pogot oba nen yoko usa'isa agarek meke emenogo ninom witluk nen, itinem, akhuni tha'bokhogonat inobabut dopok hagakharek meke tak-tagat oko wogeisasigin o.

Lukas 19:19

at oe etnogo nen, Nagot wa! Halok he, o kota 5 nen yoma yabokane hat ite dogolik hagasik dogonogoluk meldagagi o, iluk yogokhikhe.

1 Korintus 15:58

Iti nenat, nagarlak lak nerugi. Hinebe nakmu lak. Hinetaiken horlerogon, hapukhogon dogono. Ninoe Etagapogot ninom hunik dogolik, at hasik yi meke ti meke hagakhunem alomatlasigin dek o, iluk kokhogon hagakho motok dogono o.

1 Korintus 3:14

Itithogon walhugunem at ageikhe nen o herlaga iti baga halhe meke hetu nikidek dogogin halok he, oko wogosigin o.

1 Korintus 3:7

Ebe kok etaga werek he, ai yakharek meke iti 'buk. I tialik lagarek meke iti 'bugat. Kok etaga werek he, Allah nen ebe kogotdekherek itiat anek etaga werek o.

1 Korintus 3:9

Hit hinebe iti Allah ayabu hak werekma, nit nipisak nen Allah ayabu wo'isekhe lago. Ageikhe hinebe Allah ai halek hak werekma, nipisak nen Allah ai halogo 'bisekhe lago.

1 Korintus 4:15

Hit Kristus hinom hunik werekma, ap wene yakulhisiliogei meke inebe 10.000 doalegat werek mekeat he, hinopase re, doalegat 'buk. Ina'buri itaginakharek hak, an nenat wene hano wene iti yokhisa agagisik Kristus Yesus hinom hunogo 'binagasigimo welagap iti baga, hinopase narligat agagisik welagei o.

1 Korintus 9:7

Ap tentara inougi koktek nen inagarumi wim yabuogoluk inayoko 'bisinem, it inekaerek nen iniki oko heago yakharek nogo a? Dek o. Nen, it aperek nen anggur ai ya'iluk nen, eken ikhunem aperek inekaerek nekarek dek nogo a? E a, at he, it aperek inako domba doalegat herogo dogolik irlak apusu aperek inekaerek nekarek dek nogo a? Nekaregat o.

Galatia 6:4

Hinebe dopok hinekaerek nenat, “An hano hagakhe lagei a? Weak hagakhe lagei a,” iluk, hinobabut palalok nen, “Hano hagakhe lagei,” iluk apegep halok he, erlok hogorakhausagat o. Itithogon mekeat he, nit hagakhe lago meke iti, ninekaerek ninoba dopok nenat usak iti nen, “It aperek hagariogei iti weak. Nen, an hagakhe lagei anek he, hano,” iluk usak dek o.

Ibrani 6:10

At Allah obabut he, korlo hagakherek meke 'buk. At mothogon anek hagakherek iti nen, hit nen at obasik hagakhe dogolik hinagarlak lak hinerugi Allah a'buri meke aperek hinakmu nen alebageik yomageisigik, yabokane yomageisigik, hagakhe lagap meke iti, at nen hit hinobarlikmatdigin dek o.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.

2 Yohanes 1:8

Nen, nit nen hit hagatdinagakhe lagagu etnogo hasik, hit aperek oko waganhidek nuk asunogo iluk, tha'bokhogonat waganubageik nen he, hinobabut hebelogo dogono o. Dogolik Allah nen, “Hit oko wokhisagein,” iluk wene abok yoknisasikhe etnogo, hit aperek nuk ageidek tha'bokhogonat horlobageik nen, hinobatnerogon hagakhe dogono o.

A'bikaka 2:23

Itithogon hagakhunem, it Allah a'buri o yi ai ti ai natogokharek meke tha'bokhogonat inileken halok nen, it nen, At Allah akhuni inakla ebekharek meke iti inom, inetaiken nen kagalharek meke iti inom, ilumo, akhuni ninebe tomok ninobabut hagakhorek meke tak-tagat wene ninoba 'bigik, oko woknisigik, hagasigin o, iluk, an hutdanuagaluk, it akhuni at he iti ane waganharek meke inebe inasiginat o.

A'bikaka 22:12

Itithogon yoknekhemo, at Yesus nen yoknekhe dogolik, “Erlo inom, ekapul inom, anatma, ebekeram erloma nen logat yabokane ilugun oba nikhok motok dogogin meke nen, akhuni inebe tomok inobabut hagakharek meke tak-tagat oko wogeisagaluk wolok ibat-ibat wisigin o.