1 Korintus 3:7 - ALLAH ANE WENW KET MEKE WAROGO WOKNINAKHIKHE WENE

⁷ Ebe kok etaga werek he, ai yakharek meke iti 'buk. I tialik lagarek meke iti 'bugat. Kok etaga werek he, Allah nen ebe kogotdekherek itiat anek etaga werek o.

1 Korintus 3:7 ပူးပေါင်းရင်းမြစ်များ

Yohanes 15:5

O ebe anat o. Nen, nikilo'bak hirat o. Hit an ninom hunik dek, we dekekthek dogolik, yi meke ti meke ageikhe hagasusak motok erlok dek iti nen, at tha nen an nipisak hunik, nen, an at nipisak hunik, dogogun halok he, at iti eken doalegat isu hak, hano meke kokhogon hagasigin o.

1 Korintus 13:2

Nen, Allah ane hano motok yogeisigik, wene akhuni inakla limago welagarek meke iti tha'bokhogonat nilu ageik, yi wene ti wene tha'bokhogonat niluat welageik, netaiken Allah oba motok hakotdiluk tom ageikhe obolukmo nen higikhogon werlekmake loagaluk yogosusak erlogat welageik, hagakhe dogolik mekeat he, akhuni aperek inebe nakmurogon dogogin dek halok he, we yugunat hagakhe dogosak o.

1 Korintus 3:6

Wene iti, hipiri ai yakharek hak, an nen yakhigi. Nen, at Apolos nen, i tialik lageikhe. Nen, ebe, at Allah nenat kogotdisikhe.

1 Korintus 3:8

Ai yakharek meke iti, i tialharek meke iti, nipisak tak-tak mekeat, niniki oko, ninebe tomok yabu hagakhe dogogun meke tak-takhogonat woknisagein o.

2 Korintus 12:11

It ap Kristus nen inayoko 'biluk la'isa agarek meke negen hagatlatluk witluk, “At Paulus etaga dek,” iluk egarek iti, an eberogonat netaga dek. It koktek inetagapogot higi! Itithogon dek o. Hit nen hutdaniluk nalon halogo yoknisusak mekeat he, itithogon egethep dek iti nen he, eberogonat ap kepu nen egarek hak, yokhisigi iti o.

2 Korintus 12:9

at nen he, “Hat erlok dek halok he, an nobatne horleagatma hebe nakmuthakherek etnogo nen, erlok hano dogogin o,” iluk yoknikhikhe. Itithogonat yoknikhikhe iti nen, at Kristus obatne an nakla 'banhikhe meke itiat dogoagaluk, an yi meke ti meke hasik erlok degat dogolik, nakla arlekenhogo hogorakhekhe dogogin o.

Galatia 6:3

Meke re, hat ageikhe hetaga dek dogoligat, “An kok,” iluk, hakla nen apekhe lagan halok he, hekaerek nen nukhetdakhekhe lagan iti.