1 Korintus 3:1 - ALLAH ANE WENW KET MEKE WAROGO WOKNINAKHIKHE WENE

¹ Nagarlak lak nerugi. An nen alebageigat, wene akhuni Allah Agoreke inakla werek meke yogeisegarek hak, yokhisigidek o. Itithogon yokhisasigi dek iti, hit Kristus hinom hunekhigisibat, hinobabut hinikhogat dogolik, elege ket itago meke hakene welagagip iti nen, akhuni inobabut itithogon werekma yogeisegarek hak yokhisasigi iti o.

1 Korintus 3:1 ပူးပေါင်းရင်းမြစ်များ

Matius 16:23

Asuk wakhikhemo, at Yesus elokhe dagakhogon Petrus men yogokhikhe, “Hat Iblis higi. Allah akla apekherek tak-tak ebekhidek, akhuni nen apegarek tak-tagat ebetdiluk nelokhe palhe lagan yi, nelokhoma yoma dogogun. Horla lan o,” iluk yogokhikhe.

Roma 7:14

Wene Allah nen ninasuk wakhikhe wene iti, at Agoreke nen yoknisasikhemo nogo nen, hano motok, iluk ninilu. Meke re, an nobabut akhuni inobabut inikhok mekeat welagei. Weak hagakharek iti meke nen apma 'banigiluk oko palogo negen woknahikhemo welagei.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 14:37

At ageikhe nen, “An nen Allah ane yokhisoagaluk, Allah Agoreke nen nobabut iti woknekhemo,” igik, e a, at he, “Ninat meke hagasuagaluk woknekhemo,” igik, ekhe halok, at nen, “Wene Paulus nen ekhe iti, ninoe Etagapogot nen ninasuk wakhikhe meke, holal waganogo ninoba la'i aga iti,” iluk at hutdiluk waganuak o.

1 Korintus 2:6

It akhuni inetaiken horle meke halogat, wene horle meke iti inakla kagoukhogon yogeisogorek o. Itithogon yogeisogorek iti, it akhuni agat oba meke yoma, inawene meke dek. Inougi koktek inebe yabokane dek asugun meke o yogotak ya inapma werek yoma, inawene kagalek wene meke degat o.

Galatia 6:1

Nagarlak lak nerugi. At ageikhe weak hagakhunem hinileken hegep halok he, at iti apuke obabut hebelasuagaluk, hit Allah Agoreke eberogonat hinakla werek meke nen hinane erogat asuk watno. Asuk itithogon wakhunem, hit itithogonat hinoba asunogo iluk, hinekaerek hinobabut hebelogo dogono.

Ibrani 5:13

Yekerugi inagosa lak irlak apusu anek nekarek iti, inebe yekerugiatma, wene yi hano, yi weak, iluk penasusak inokodek welageikharek iti.

1 Yohanes 2:12

Na'buri o. Weak hagakhe lagagip meke Allah nen a'but Yesus hagakhikhe iti baga thagalogo here'isekhe iti nen, an nen holal waganogo hinoba la'i agei o.