1 Korintus 2:3 - ALLAH ANE WENW KET MEKE WAROGO WOKNINAKHIKHE WENE

³ Nakla itithogon apasigisik nen ebekhe dogolik, an nekaerek nebe erlok degatma nayuk nen noageleke dik-digat hinoba wagagisik welagagi apigi.

1 Korintus 2:3 ပူးပေါင်းရင်းမြစ်များ

La'isasikhe 17:1

At Paulus Silas ipisak o etoma nen, o Amfipolis nen Apolonia nen horlokhogon o kota Tesalonika wagoukha. O Tesalonika etoma, o akhuni Yahudi meke sembayan ekhe lagoukhama ageikhe halek welageikhe.

La'isasikhe 18:1

Itithogon hagatdiluk, at Paulus o kota Atena etoma thogotdiluk o kota Korintus wageikhe.

La'isasikhe 18:12

O propinsi Akhaya etoma ap kok Galio gubernur dogoagaluk meldisukhama werekma, it akhuni Yahudi meke inebe natogotdiluk, Paulus ebe iniki hakhasukhasik nen, itema waganuagaluk ap ukum inoba 'bigik, kokhik, hagakharek meke inoba wolok lagoukha.

La'isasikhe 18:6

Itithogon yogeisugunem, it nen, “Dek o. Weak ekhe lagan o,” iluk abok weak palhe lagoukhama, at Paulus etnogo nen, “An noba thelek o,” iluk u hak, asu itikmanke meke amumul hisalogo usa'isikhesik nen, men yogeisasikhe, “Hit hinekaerek nen nuk akegep halok he, hinoba dopok o. An noba dek o. Hurli yogotak hurli nen, an akhuni itikmanke meke wene yogeisa ligin o,” iluk yogeisasikhesik,

2 Korintus 10:1

An Paulus Kristus obabut enago hano etnogo obabut waganogo, nekaerek nen wene ageikhe hinasuk wasik. It aperek nen he, “At ebe horokhogon ninom dogolik, obabut liokhogon wene yoknisekherek. Meke re, ebe walegat dogolik, obabut ayuk dek obatnerogon yoknisekherek,” iluk egarek meke etnogo yabokane hinoba witluk nen nobabut nayuk dek dogolik nane obatnerogon yokhisaunogo iluk, hutdubageik iluk nane liokhogon yokhisigi. It iti nen he, “Paulus lak iti, akhuni inobabut inikhogat dogolik inobabut waganogo hagariogei,” iluk ninabok weak paliogei meke iti, nobabut nayuk dek nane obatnerogon wenageisasigin iluk wene munini ebekhe lagei.

2 Korintus 13:4

At Kristus ebe erlok dek werekma o baga meldiluk wakhukha mekeat he, at Allah obatne baga ilugutdisikhemo ilugat welagarek. Iti hakeneat, nit at ninom hunik dogolik erlok dek welago mekeat he, at Kristus ninom hunik niniluk dogolik nen, Allah obatne baga hit hinobasik hagasisugun o.

2 Korintus 13:9

Nit erlok dek werek korlek he, hit hinobatne werek dogosak halok he, hano iluk, ninakla arleken akhekhe lago. Iti hasigat, hit hinetaiken 'bogokhogon horle asuagaluk, Allah ayoko 'bekhe lago.

2 Korintus 4:1

At Allah ninebe akmu nen, at hasik yigithogon hagakhe dogoagaluk ninayoko 'bisikhe iti nen, ninakla puk atluk here'isigidek hagakhoat welago.

2 Korintus 4:16

Iti nenat, ninakla puk atluk here'isigidek ninobatnerogo hagakhe lago. Ninoado itikmanke yi re, weak aga korlegat, ninakla akmanke, hibiku-yogoku ket hagatninakho motok werek.

2 Korintus 6:4

Akhuni nen he, “It Allah nen inayoko 'bisikhemo, at hasik hagakhe dogosak mekeat hagariogei,” iluk hutdinanuagaluk, yi aik ti aik hagatninakhik, wiik-weakhogon hagatninakhik, umunetnisigik, hagakhe korlek, ninobakhanini hapugutdiluk dogolik yi meke ti meke ekagat hagakhe lago.

2 Korintus 7:15

At nen hit hinebe akmu welaga mekeat he, ebe hinoba wagama, hinayuk ageik, hinoageleke dik-dik igik, hagakhe dogoligat at ebe waganhesip, at nen yokhisugunem, ane hologo hagakhep meke iti, hinoba ebethinakhe dogolik, hit tha'bokhogonat hinebe motok akmuthinabiogo o.

2 Korintus 7:5

Nit o Makedonia yoma wagagusik werekma, ninoba hapugutdakhigidekmaat, weagatninabuogoluk yi aik ti aik hagatninakhukhaat iti o. Akhuni aperek nen ninasuogoluk hagakhunem, nit ninetaiken ninayuk aga korlek welagosik.

Efesus 6:5

Hit akhuni inatuaneke meke nen he, Kristus ane hologo hinetaiken opakiat hinayukhogon dogolik hagakhethep hak, hinopase lak koktek inane hologo inalonhogo hagarinakhe dogono.