1 Korintus 2:10 - ALLAH ANE WENW KET MEKE WAROGO WOKNINAKHIKHE WENE

¹⁰ 'Binanhe meke iti, at Allah Agoreke nen yi meke ti meke penakherek iti nen, Allah akla limago welagarek meke iti inomat penakhe dogolik, pakhogon yoknisasikhe o.

1 Korintus 2:10 ပူးပေါင်းရင်းမြစ်များ

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

Matius 16:17

Itithogon yogokhikhemo, at Yesus nen he, “Simon Yona a'but nagot o. Akhuni nen yokhekhama egen dek o. An nopase pogot oba meke nen yokhekhemo egen higi o. Halok he, hakla arleken akhekhe dogono o.

Lukas 10:21

Itithogon yogeisasikhesik itinemat, Allah Agoreke Yesus akla werekma nogo nen, akla arleken akhekhe dogolik, opase Allah men yogokhikhe, “Allah nopase. Pogot agat iteerek harat o. Wene tha'bokhogonat iti, it akhuni inakla kagalek meke men, yi wene ti wene inilu meke men, inilu asunogo iluk lima'iluk nen, it inobabut yekerugi ket itago meke hakene anek, pakhogon yogeisegen iti, hat hakla warlok apegen mekeat yogeisegen iti nen heagei wathakhe lagei, nopase!” iluk yogokhikhe.

Lukas 2:26

Itithogon oba duk i ageikhesik, men yogokhikhe, “Hat hebe watlageidek werek korlek, ap kok ageikhe ninopase Etagapogot nen meldiluk la'isigin isikhe etnogo wagunem hileken halok nen watlasigin o” iluk, abok yogokhikhesik nen,

Yohanes 16:13

Itithogon mekeat he, Allah Agoreke, ebe wene ekherek meke iti witluk nen, holak inokodekma inilu meke nen yakulisegarek iti hak, ebe wene tha'bokhogonat hutdubageik nen iluk yakulhisekhe dogogin o. Itithogon yakulhisekhe dogogin iti wene at akla nen kagalogo ekhe dogogin dek o. At he, at asuk holherek meke anek ekhe dogolik, yabokane hagatlasigin meke yokhisekhe dogoginat o.

1 Korintus 14:30

Itithogonat meke re, Allah nen at ageikhe hurek welaga meke wene akla kagalhe halok he, yokhisoak nen at alep yokhisekhe laga meke iti, ane dek huk asusak o.

1 Korintus 2:11

Nit akhuni ninakla tha ilu. Ninekaerek ninakla tomok ninilu welagorek apigi. Iti hagat, Allah akla it aperek inokodek anek. Ekaerek Agoreke arligat ilu welagarek o.

Galatia 1:12

Wene iti, akhuni nen woknekhik, yakulnekhik, isukhama waganhigi 'buk. Wene iti, at Yesus Kristus akla limago welageikhe meke, at nenat thelekmaat yakulnikhikhemo waganhigi o.

Efesus 3:3

Wene at Allah akla limago welageikhe meke iti, an pakhogon yakulnikhikhe, iluk, holal 'beroat waganogo yakulhisasigi apigi o.

Efesus 3:5

Haganeat nen he, wene iti akhuni aperek pakhogon yogeisigidekma, inokodegat welagoukhama, yogotak Allah Agoreke nen, it ap Allah a'buri Yesus nen inayoko 'biluk la'isasikhe meke emenogo inom, Allah ane yogeisiliogei meke emenogo inom, pakhogon yakulisasikhemo inilu agoukha iti, wene ebe yigithogon.

1 Timotius 4:1

Allah Agoreke nen wene pakhogonat yoknisekhe dogolik, “O ilugun oba, akhuni aperek Allah ane eberogonat iluk apiliogei meke nen, wene iti, Nina'it, iluk here'isalok nen, Iblis agarumi mokat inobabut weak nukhetdisegarek meke inapma ukiluk, wene it nen yakulisegarek wene iti ha'iluk hagakhe dogogun.

1 Petrus 1:12

Hinok waganhunem, at Allah nen he, “Wene iti, hit hinekaerek hasik, dek o. It yabokane aban meke inobasik hagakhe lagap o,” iluk hit hinobasigat isikhe. Itithogon yogeisasikhesik welageikhesik nen, yabokane Allah Agoreke pogot oba nen usa'i ageikhemo, it ap hano wene Yesus Kristus hagakhikhe wene etnogo yokhisoagaluk inakla dogolik yogotak pakhogon yokhisiliogei ebe iti hasik ekhe lagoukha iti. Wene iti, it malaikat Allah nen yoko usa'isa agarek meke emenogo nen, “Eiye. Nit wene iti hutukhogon ninilu atlo e,” iluk apegarek.

1 Yohanes 2:20

Itithogon meke re, hit anek he, Yesus Kristus Allah nen ekaerek 'bakhasikhe meke etnogo nen Allah Agoreke wokhisasikhemo ebeat wene hinebe tha'bokhogonat hinilu agagisip welagap o.

1 Yohanes 2:27

At Kristus nen Allah Agoreke wokhisasikhemo hinakla dogolik, yi meke ti meke hasik, ekalat yakulhisigidek, eberogonat anek yakulhisiliogo iti nen, akhuni aperek nen wene hit yakulhisausak erlok dek o. Wene at nen yakulhisiliogo meke iti mothogonat hagakhe dogolik, Kristus hinom hunik motogat dogono o.

A'bikaka 1:1

Wene ebe yigithogon. Yi wene ti wene limago welageikhe meke yabokane ibat-ibat hagatlasigin meke iti, Allah atuaneke meke hutukhogon yogeisoagaluk Allah nen at Yesus Kristus pakhogon yogokhikhemo, at Kristus nen malaikat la'i ageikhemo, wene iti at Allah atuaneke meke an Yohanes yoknekhe.

A'bikaka 2:24

Itithogon mekeat he, akhuni aperek nen, He iti awene, Iblis awene akla meke yakulisekherek, iluk egarek meke iti, hit akhuni o Tiatira meke ebetlake nen, wene iti yakulhik, hinilu ageik, waganhidek iti nen he, hit nen wene akin meke ageikhe hagasubageik nen iluk yokhisagein dek o.