1 Korintus 13:5 - ALLAH ANE WENW KET MEKE WAROGO WOKNINAKHIKHE WENE

⁵ Itithogon dogolik, inobabut hakolek welageik, yi meke ti meke inekaerek anek hasik kogotdigik, inakla aga horok welageik, it aperek nen weak hagarinakhunem wene inakla eberek motok welageik, hagakharek dek.

1 Korintus 13:5 ပူးပေါင်းရင်းမြစ်များ

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Matius 9:4

Itithogon apasukhama, at Yesus nen inobabut ekagat palhikhesik nen, men isikhe, “Hit hinakla nen wene korlo meke ebekhe lagap iti nenaluk?

Markus 3:5

Inane dek agoukhama, at Yesus ileken hisilik lageikhesik akla nen, “Inobabut pirla-parlarek yi re!” iluk akla korlo atluk akla aga dageisikhe. Itithogon it inobasik akla aga dageikhe meke re, akla weak ageikhesik nen, ap etnogo men yogokhikhe, “Hiki walokhan,” iluk yogokhikhemo, iki walokhogon la'isikhemo nen arat hano ageikhe.

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

1 Korintus 10:24

Yi meke ti meke hinekaerek hasik kogotdekhe dogogup. At he, it akhuni aperek inobasik kogotdekhe dogono.

1 Korintus 10:33

Hit hinobabut an hagakherek hak hagakhe dogono o. An he, yi meke ti meke hagakhe dogolik, nekaerek hanorakhagaluk hagakherek dek. Akhuni inebe doalegat Allah nen tilinakhunem hano asuagaluk hagakherek o.

1 Korintus 11:18

Hit wene alebageik yokhisagein apigi yi. Akhuni nen, “It Allah a'buri Allah ai halekma natogotdiluk, it-it inebe hurli wariogei o,” iluk yoknekhama wene iti nasuk holhirik, aperek eberogonat hagariogeima iluk apigi o.

1 Korintus 7:36

Ap ageikhe nen horlak tharlisik meke ipisak wene warek dogolik, akla nen, “An yigithogon weak welagei. Horlak iti ebe waganigin o,” iluk oba agaken dageikhe halok he, at akla itithogon apekhesikmo, he ebe waganusak o. Waganigin iti weak 'buk. Hano o.

2 Korintus 5:19

Wene ninoba 'bisikhe iti ebe, men. At Kristus ebe hurli baga dogolik hagakhikhe iti baga, Allah nen yi akhuni ti akhuni tha'bokhogonat at ekaerek inom dapukhogon 'binanhikhe. At nen itithogon 'binanhe dogolik, nit akhuni nen weak hagakhorek meke ukum ninoba 'bigidek thagalogo here'isasikhe iti o. At nen itithogon hagakhikhe ukum iti nit nen yogeisilik nekhe dogoagaluk ninoba 'bisikhe.

Galatia 5:13

Nagarlak lak nerugi. Hit hinasokneat dogoagaluk Allah nen hinayoko 'bisikhemo welagap. Itithogon mekeat, hinakla nen, “An nasokneat welagei,” iluk, akhuni inobabut inikhogat dogolik hagakharek meke inobabut waganogo yugunat hagakhe dogogup. At he, wene Allah nen ninasuk wakhikhe wene etnogo tha'bokhogonat dapukhogon wene opakiat yi anek kok hakene isikhe iti, “Hit hinekaerek hinebe hinetaiken hunik welagathep iti hak, it akhuni aperek hinom welagathep meke hinetaiken hunik dogono o,” iluk isikhemo holal waganogo 'bisukha iti nen, akhuni aperek inebe hinakmurogo dogolik hit-hit yomak-yomak hagakhe dogono o.

Filipi 2:21

At itithogon werek korlek, it akhuni iti inebe tha'bokhogonat anek he, Yesus Kristus hasik hagakhidek dogolik, inekaerek hasik kogotdiluk hagariogei o.

Filipi 4:8

Nagarlak lak nerugi. Wene ilugun oba yi ageikhe yokhisak. Hinakla ebekhe dogolik, hanorogon hagakhik, hogorinabusak meke hagakhik, hagariogei meke oba ebekhe dogono. Iti ebe re, wene eberogonat meke oba ebekhik, hogorasusak meke oba ebekhik, mothogon hagakharek meke oba ebekhik, weak meke thogotdiluk hano anek hagakharek meke oba ebekhik, inobabut heanerogon hagakharek meke oba ebekhik, inoba la'buk usak meke oba ebekhik, ebekho motogat dogono.

2 Tesalonika 3:7

Nit he, hit ninom dogolik niniki nen waganhidek nina'it werlegat nekhe lagagu dek etnogo, hit nen nit ninobabut waganogo hagasusak hiniluat o.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

2 Timotius 4:16

Akhuni nen wene noba 'biluk, nitema alebageik waganhunem, an nen, “An noba 'bukmoat o,” iluk wene noba korugunem, it tha'bokhogonat an nalilu ageikhe yomakneau degat here'aniluk dukhega iti hasik, Allah nen ukum inoba 'bigidek dogoak o, iluk sembayan ekhe lagei.

Yakobus 1:19

Nagarlak lak nerugi.Hinebe nakmu lak o. Wene yi hinakla eberek dogono o. Hinebe tomok wene hinasuk ibat ibat holiluk nen, hinane baga nen erogat igik, hinakla aga dagei agunem hinetaiken thebelogo dogoluk nen erogat igik, hagakhe dogono o.