1 Korintus 13:1 - ALLAH ANE WENW KET MEKE WAROGO WOKNINAKHIKHE WENE

¹ An nen akhuni inukuloak etaga tomok aperek inane baga igik, malaikat Allah nen yoko usa'isa agarek meke emenogo inane baga igik, ekhe dogolik mekeat he, akhuni inebe nakmurogon dogogin dek halok he, an mo ane pukhasinem ane dirlok-dirlok igik, detan-detan igik, ekherek hak ekhe dogosak o.

1 Korintus 13:1 ပူးပေါင်းရင်းမြစ်များ

Matius 25:45

an nen, Dek o. Hit nen akhuni ageikhe inetaga dek meke werekma hinobakhanini thogotdisekhe lagagip iti re, anat thogotdanhe lagagip o, iluk yogeisalok nen,

Markus 16:17

It akhuni aperek nen wene iti eberogonat iluk apoagaluk, it wene eberogonat iluk waganugun meke nen, yigithogon hagakhe dogogun. Mokat obabut weak meke it aperek inakla ukiluk werekma an netaga palogo mukhogo ula'isigik, inane it akhuni ninat meke inane inokodek meke elalinat igik, hagakhe dogogun.

Roma 14:15

Nen, hat neketek meke iti nen hagarlak akla korlo aga halok he, ebe hakmurogo hagakhe lagan dek o. Hagarlak iti hasik Kristus watlageikhesikmo, hat nigin iti baga at ebe weagatdugun o.

1 Korintus 12:10

Nen, at ageikhe yi meke ti meke elalinat hagakhe dogoagaluk wogokhik, at ageikhe nen Allah ane yogeisekhe dogoagaluk wogokhik, at ageikhe nen ekhe dogolik, “At iti Allah Agoreke akla dogolik hagariogo, igik, weak meke agoreke akla dogolik hagariogo, igik,” ekagat penakhe dogoagaluk wogokhik, at ageikhe nen inane okodek meke elalinat ekhe dogoagaluk wogokhik, at ageikhe inane inokodek meke isinem, at asuk holiluk nen, “Ebe yigithogon meke hasik ekhe,” iluk it inane baga mothogon yogeisekhe dogoagaluk wogokhik, inebe tomok wogeisekherek iti o.

1 Korintus 12:16

Ninasuk yi ane werek dogolepma, at nen ekhe dogolik, “An nebe inileken 'buk. Ninat iti nen inebe baga hunik welageidek o,” iluk umo ane itithogon igin iti baga ninebe hunik meke iti asokneat dogosak apegep a? Erlok dek o.

1 Korintus 12:8

At Allah Agoreke nen, at ageikhe wene kagoukhogon ekhe dogoagaluk wogokherek. Nen, at Agoreke iti nenat, at ageikhe yi wene ti wene ilu motok atluk yogeisoagaluk wogokheregat.

1 Korintus 13:8

Itithogon hagakhe dogoluk nen, iniki ageikhe baga, Allah ane yogeisegarek iti meke yabokane yogeisausak dek ageik, akhuni inane inokodek meke elalinat egarek iti meke yabokane usak dek ageik, yi wene ti wene inilu welageikharek meke iti yabokane inilu asusak dek ageik, hagasugun mekeat he, akhuni inebe inakmurogon welageikahrek iti meke anek, dek ageidek motok dogogin o.

1 Korintus 14:2

Tha nen inane inokodek meke elalinat ekherek iti, Allah Agoreke akla dogolik wene limago meke ekherek iti nen, akhuni yogeisiliogo dek mekeat he, at Allah yogokhunem, akhuni aperek nen hutdegarek dek o.

1 Korintus 14:4

Meke re, at inane inokodek meke elalinat ekherek meke iti, at ekaerek etaiken ago warekherek o. Meke re, at ageikhe Allah ane akhuni pakhogon yogeisekherek meke iti anek Allah a'buri natogokharek meke tha'bokhogonat inetaiken ago watdisekherek o.

1 Korintus 14:5

Akhuni inane inokodek meke elalinat egarek iti 'bugurlagat erlok dek negen meke re, Allah ane akhuni pakhogon yogeisegarek iti anek, kok motok negen. Iti nen hit hinebe tha'bokhogonat akhuni inane hinokodek meke elalinat umo an warlok mekeat he, ebe hano motok, hit nen Allah ane pakhogon yogeisekhe dogosak itiat warlok o. Meke re, inane hinokodek meke elalinat ugun halok he, yabokane Allah a'buri aperek inetaiken ago warinabuogoluk, hit hinane baga mothogon umo anek he, hano.

1 Korintus 8:1

Hit nen he, “Kaneke ako wakharek iti, wene erlo yigithogon iluk ninilu anek,” egethep iti, nit hutdogo. Meke re, wene itithogon inilu dogolik, inekaerek nen hogorakhegarek mekeat he, akhuni inebe inakmu dogolik hagakharek anek he, inetaiken horlerinakharek iti.

Galatia 5:22

O eken ikherek hak, Allah Agoreke akhuni inakla dogolik inobabut hagakharek ebe yi. Akhuni aperek inebe inetaiken hunik welageik, inakla arleken akhigik, inetaiken hapukhogon welageik, inobabut inobakhanini hapugutdiluk welageik, inobabut enago welageik, inobabut hano welageik, inobabut dopokhogon welageik,

Galatia 5:6

Iti nen, nit Kristus Yesus ninom hunik dogolik, ninoado aperlagap palek meke dek, it aperek palek dek meke dek, ipisak tak-tak welago. Halok he, iti hasik penasusak dek. Kok he, ninetaiken Kristus oba hakotdiluk dogolik, akhuni ninakmurinakhorek iti baga ekagat ariogo.

1 Timotius 1:5

Inetaiken Allah nen horinakhunem inekaerek inakla nen he, “An wene noba dek, nakla thiok welagei,” iluk apekhe dogolik, inetaiken eberogonat Allah oba hakotdiluk welageikharek iti nen, akhuni inakmurogon welageikharek o. Halok he, it itithogonat dogoagaluk inasuk wakhe dogono, iluk yokhikhigi iti o.

1 Petrus 4:8

Wene kok hakene yi. Hit-hit nakmu-hakmurogon hagakhe dogolik, ageikhe nen ageikhe weagatdugun meke thagalogo motok degetdugun iti nen, hit-hit hinagarlak lak hinerugi hinom nakmu-hakmurogo motok hagakhe dogono.

2 Petrus 2:18

Akhuni aperek inagarlak lak inerugi korloat hagakho korlek nen, here'isalok dukhisuogoluk hagakhunem, inetaiken nen nukunem yabokane weak hagasuagaluk, it ap iti inekaerek hogorakhekhe dogolik we yugunat inekalat inakla kagalhe dogogun.

A'bikaka 14:2

Itithogon dogolik, inane i tutunmo usekhe dogolik ane hakene igik, pogot ane kokhogon ekherek hakene igik, it akhuni gitar wakharek meke nen ebe wakhunem ane ekherek hak igik, pogot oba nen inane doalegat isinem nasuk holhi.