1 Korintus 11:7 - ALLAH ANE WENW KET MEKE WAROGO WOKNINAKHIKHE WENE

^7-8 Erlo baga nen, ap inebe erloat, humi 'buk. Humi erlo ap iti nen, ap inebe Allah hogorakharek meke ebe hakene, amukhak hakene, iluk, inukulasu thalusak dek. Meke re, humi inaguni hogorinakharek meke inamukhak hakene.

1 Korintus 11:7 ပူးပေါင်းရင်းမြစ်များ

1 Korintus 11:3

Itithogon mekeat he, wene opakiat agekhe yi hinilu asusak meke apekhe lagei. Nit ap ninebe tomok, ninoe Etagapogot Kristus metek werekma apma dogosak. Nen, humi inebe tomok inaguni kok metek werekma inapma dogosak. At Kristus iti opase kok Allah metek werekma apma welagarek o.

1 Korintus 11:6

At he ageikhe nen asu ukuloak oba dakulusak a'it halok he, isi palumo re. Humi inisi inukuloak oba 'berorogon palhik, hotnokhogon palhik, hagakhunem inekarli halok nen, inasu inukuloak oba thalumo hano.

2 Korintus 8:23

Nen, at Titus iti, an nagarlak hit yomakhisauwogoluk nipisak yabu hagakhorek meke. Nen, nagarlak lak aperek at inom wageikha iti, hano hagakhunem it akhuni aperek nen inobabut palharethek nen Kristus hogorariogei meke, Allah a'buri natogorliogei meke nen inayoko 'biluk la'isa ageikhama wageikha iti o.

Yakobus 3:9

Nina'bi iti baga ninopase Etagapogot Allah hogorakhik, akhuni at ebe hakene winametdinanhikhe meke homan 'bisigik, hagakhorek iti o.