1 Korintus 1:7 - ALLAH ANE WENW KET MEKE WAROGO WOKNINAKHIKHE WENE

⁷ Hinetaiken itithogon horletdiluk, ninoe Etagapogot Yesus Kristus thelekmaat wisigin iluk, therogo dogolik Allah nen woknisekherek meke iti, ageikhe aban waganhidek welagap 'buk. Tha'bokhogonat waganhigisip welagap o.

1 Korintus 1:7 ပူးပေါင်းရင်းမြစ်များ

Matius 25:1

At Yesus nen itithogon yogeisasikhesik, wene ageikhe men yogeisasikhe, “Nopase kok pogot oba meke apma 'bisekherekma etoma ipisak tak-tak he, homagarlugi inebe 10 meke nen lampu yibarlogo wolok ap age ikhekhe meke etnogo wagunem elokhoma lagoukha iti hakeneat o.

Lukas 17:30

Iti hakene re, an abat itaklasi agagi etnogo yabokane thelekmaat wisigin itinem he, itithogonat hagatlasigin o.

Roma 8:19

Pogot agat yi meke ti meke Allah nen walhasikhe meke yoma nen, “Allah a'buri inebe ninat hagarinakhunem thelekma hogorinabugun iti mera hagatlasigin,” iluk, arlik haliogei.

Roma 8:23

Pogot agat yi meke ti meke iti anek hinet wakhe dogolik, inetaiken ane iliogei 'buk. Allah nen, “Hinebe an na'buri. Arat wokhinakhi o,” iluk ninebe ninetaiken ninoado tha'bokhogonat hanotninabigin meke aban dogolik, hipiri yukuk alebageik meke itakharek hak, at Agoreke alebageik woknisasikhe mekeat, ebe yabokane hagatninabigin meke iti therogo dogolik, hinet wakhe dogolik ninetaiken ane ekhe lago.

1 Korintus 4:5

Iti nen he, wene akhuni inoba 'bigik kokhik hagasigin itinem aban asi ageidek werek korlek, hit wene inoba 'bigik kokhik hagasusak motok dek o. At ninoe Etagapogot ebe witluk nen, hibakone limago hagariogei meke thelekmatdigik, itithogon hagasugun iluk apalok inakla thebelek werek meke iti 'bualogo 'bigik, hagasisigin iti therogo dogosak o. Itithogon 'bualogo 'bisinem, Allah nen hano hagakha meke inebe tomok hogorinabusak mekeat hogorinabigin o.

2 Korintus 12:13

Hit hinobasik hagakherek iti, it Allah a'buri yi ai ti ai natogokharek meke hasik hagakherek meke iti ipisak walhaumo, ki meke hasik erlok dek hagathinakhi. An yabu hagakhe lagei hasik, “Niki oko ageikhe woknitni,” iluk hinoba tiolhidek welagagi iti erlok dek hagathinakhi he a. Halok he, weagathinakhi iti hasik thagalogo degetdisalok hinakla hano atni o!

Galatia 5:5

Meke re, nit nen, ninetaiken Kristus oba hakotdisugusik, “Allah Agoreke nen itithogon yomaknisekhe korlek, Allah nen wene ninoba meke korogo wokhalok, at ninom yabokane ninapuke hunogo 'binanigin werek,” iluk oba eberek welago iti.

Filipi 3:20

Itithogon meke re, nit ninai erlo pogot oba werek o. Ninai erloma etoma nen, ninoe Etagapogot Yesus Kristus yabokane tilninabisigin iti therogo welago.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

2 Timotius 4:8

Akhuni inae walhugunem, inae 'busuk asugun meke oko hano meke wogeisegarek hak, an nebe arat lagunem, ninoe Etagapogot nen ukum ninoba 'bigik, kokhik, tak-tagat hagasigin itinem, at nen he, “Hat morat hano hagakhe laganma,” iluk, oko kare-kare mitago negen ageikhe woknisigin werek o. Meke re, an anek woknisigin 'buk. It aperek inakla nen, “Yesus wetnek o,” iluk, warlok nen therogo welageikharek meke tha'bokhogonat ninom woknisageinat o.

Titus 2:13

Nit yogotak he, Yesus Kristus ebe Allah Etagapogot mekeat, tilninakhikhe meke etnogo akhuni nen hogorakhe korlek, thelekma hanotninabi isigin iti hasik, ninakla arleken akhekhe dogolik ebe therogo welago.

Ibrani 9:28

at Kristus meneke nit akhuni weak hagakhorek meke degetdisagaluk iki opaki hasigat kambing sapi Allah warekhe lagoukha iti hak, at ebe watlageikhesik, yabokane wisigin iti, nit weak hagakhorek meke degetdisagaluk wisigin 'buk. Dek o. Nit akhuni, at wagunem elokhoma therogo welagorek meke hanotninabigiluk wisigin o.

1 Petrus 1:13

Iti nen, wene iti hutdiluk nen, holak pirlirli luogoluk inobakha herle a'bethogon wakharek iti hak, hinobabut hebelogo, hinetaiken ekerlogo dogono. Itithogon dogolik, hinakla nen, “Allah nen Yesus Kristus ebe thelekmaat la'i agunem hano meke woknisasigin o,” iluk hinetaiken at oba la'iluk oba eberek motok dogono o.

1 Petrus 4:13

At Allah nen Kristus ebe thelekmaat la'i agunem, hogorasugun itinem, hinakla arleken akhauwogoluk, hinakla nen, “At Kristus oba yi aik ti aik hilik hilik watlageikhe hak, nit at ninom hunik dogolik itithogonat hekhe lago,” iluk hinakla arleken akhekhe dogono.

1 Petrus 5:4

Itithogon hagakho werekma, ninoe kok adomba iteerek etnogo witluk nen, “Hano motok hagakhe lagapma,” iluk oko kare-kare mitago a'bi'baleak dek asigin dek meke wokhisagein o.

1 Yohanes 3:2

Nagarlak lak nerugi, nakmu lak o. Yogotak nit ninebe Allah a'buri welago meke re, yabokane ninebe dogogun meke thelekma ageidek aban limago werek o. Itithogonat meke re, nit ninilu re, Yesus ebe yogotak werek meke ninileken hutukhogon hugun iti nen, at wisigin itinem ebe wagunem, nit ninebe at ebe werek iti hagat, hagatlasugun o.

Yudas 1:21

Itithogon ekhe dogolik, hinakla nen, “Ninoe Etagapogot Yesus Kristus ninebe akmu nen, nit yabokane naburlal-haburlal hagatninabigin,” iluk, therogo dogolik, at Allah nen ninebe akmu iti, hit nen at hinom hunigat dogono o.