1 Korintus 1:5 - ALLAH ANE WENW KET MEKE WAROGO WOKNINAKHIKHE WENE

⁵ Hit Kristus hinom hunik werekma Allah nen hinebe hano meke wokhisekhemo welagap. Itithogon dogolik, yi wene ti wene Allah ane iti erlo hinilu motok agasip nen, wene hano motok yakulisekhe lagap o.

1 Korintus 1:5 ပူးပေါင်းရင်းမြစ်များ

La'isasikhe 2:4

Inileken itithogon hekhe korlek, Allah Agoreke it tha'bokhogonat inakla kerlekhogon ukisikhe. Ukiluk, Allah Agoreke nen, “At iti ane itithogon ekhe dogoak,” iluk akla apasikhe tak-tagat, it akhuni ninat meke inane baga uagaluk yakulisekhe korlek elalinat ekhe lagoukha iti.

Roma 11:12

It akhuni Israel meke weak hagakhukha iti nen, yi akhuni ti akhuni tha'bokhogonat eloma Allah nen hanorinakhikhe. It nuk agoukha iti nen, akhuni itikmanke meke iti kogat thaburakhukha. Halok he, yabokane it Israel meke inebe tha'bokhogonat Allah nen hanorinakhe dogolik, yi akhuni ti akhuni itikmanke meke eloma kokhogon hanorinabigin dek a? Hanorinabiginat o.

Roma 15:14

Nagarlak lak nerugi. Hit hinobabut hano motok dogolik, yi wene ti wene hinilu motogatma, hit-hit hinasuk wat-wat usak erlok welagap iti, an nilu o.

Roma 15:4

Allah ane holal waganek iti baga, ninobakhanini hapugutdiluk welageik, ninakla hano ageik, hagakhorek iti nen, “Hano asigin,” iluk Allah oba eberek dogoagaluk, nirat ninasuk warogo Allah ane baga haganeat holal waganogo 'bisukha iti.

1 Korintus 12:10

Nen, at ageikhe yi meke ti meke elalinat hagakhe dogoagaluk wogokhik, at ageikhe nen Allah ane yogeisekhe dogoagaluk wogokhik, at ageikhe nen ekhe dogolik, “At iti Allah Agoreke akla dogolik hagariogo, igik, weak meke agoreke akla dogolik hagariogo, igik,” ekagat penakhe dogoagaluk wogokhik, at ageikhe nen inane okodek meke elalinat ekhe dogoagaluk wogokhik, at ageikhe inane inokodek meke isinem, at asuk holiluk nen, “Ebe yigithogon meke hasik ekhe,” iluk it inane baga mothogon yogeisekhe dogoagaluk wogokhik, inebe tomok wogeisekherek iti o.

1 Korintus 12:8

At Allah Agoreke nen, at ageikhe wene kagoukhogon ekhe dogoagaluk wogokherek. Nen, at Agoreke iti nenat, at ageikhe yi wene ti wene ilu motok atluk yogeisoagaluk wogokheregat.

1 Korintus 13:2

Nen, Allah ane hano motok yogeisigik, wene akhuni inakla limago welagarek meke iti tha'bokhogonat nilu ageik, yi wene ti wene tha'bokhogonat niluat welageik, netaiken Allah oba motok hakotdiluk tom ageikhe obolukmo nen higikhogon werlekmake loagaluk yogosusak erlogat welageik, hagakhe dogolik mekeat he, akhuni aperek inebe nakmurogon dogogin dek halok he, we yugunat hagakhe dogosak o.

1 Korintus 13:8

Itithogon hagakhe dogoluk nen, iniki ageikhe baga, Allah ane yogeisegarek iti meke yabokane yogeisausak dek ageik, akhuni inane inokodek meke elalinat egarek iti meke yabokane usak dek ageik, yi wene ti wene inilu welageikharek meke iti yabokane inilu asusak dek ageik, hagasugun mekeat he, akhuni inebe inakmurogon welageikahrek iti meke anek, dek ageidek motok dogogin o.

1 Korintus 14:26

Halok he, nagarlak lak nerugi. Nikithogon hagakhe dogosak. Yigithogon hagakhe dogosak o. Hit hinebe natogotdiluk, at ageikhe nen Allah aetai isa igik, at ageikhe nen wene thekekhogon yakulhisigik, at ageikhe nen Allah akla wene yokhisigik, at ageikhe nen wene inane hinokodek meke baga elalinat isinem, at ageikhe nen hit hinane baga mothogon yokhisigik, hagakhe dogolik, Allah a'buri inetaiken ago warogo yi wene ti wene tha'bokhogonat erlogat itithogon ekhe dogosak o.

1 Korintus 8:11

Hat nen, “An wene nilu o,” iluk itithogon hagasigin iti baga, hagarlak ageikhe etaiken aban meke hasik Kristus watlageikhe mekeat he, hat nen weagatdigin iti o.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

2 Korintus 6:10

Ninakla weak dogoligat he, ninakla arleken akhekho motok welago. Yi meke ti meke ninikimo dek mekeat he, akhuni doalegat hano meke inilmo horleak asuagaluk hagatdisekhe lago. Ninameke motok dek mekeat he, ebe meke tha'bokhogonat ite agosik welago.

2 Korintus 8:7

Hit he, yi meke ti meke hasik hano motok hagakhe lagap. Iti, hinetaiken Allah oba hinobatnerogon hakotdigik, hano wene hano motok yakulisigik, ebe wene hano motok hinilu ageik, akhuni aperek yomageisauwogoluk akilukhogon hagakhik, nit hinakmurogon motok welageik, hagakhethep iti hak, hit meke it Allah a'buri aperek iti hano motok 'bisobageik iluk yokhisigi o.

2 Korintus 9:11

Itithogon wokhisaumo, hit nen, yi meke ti meke oba dukhogon dogolik, hiniki kogat it aperek yomageisekhe dogogun o. Itithogon yomageisagun meke iti, nit nen supusogo wogeisugunem, Allah heagei wasugunat o.

Efesus 1:17

Hit hinobasik he, ninoe Etagapogot Yesus Kristus opase Allah hogorakho motok welageikharek meke etnogo nen, hinakla motok kagalek meke wokhisigik, at ebe hutukhogon hutdubageik nen yakulhisigik, hagakhe dogoak nen iluk, Agoreke wokhisoagaluk ayoko 'bekhe lagei.

Efesus 2:7

At Allah itithogon hagakhikhe iti, o yabokane dogogun iti baga dogolik akhuni nen, “Allah obabut hano motok nen akmutninakhikhe,” iluk ekagat hutdekhe dogoagaluk tilninakhikhe iti, ebe Kristus Yesus oba nenat tilninakhikhe.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Efesus 6:19

Itithogon ayoko 'bekhe dogolik, an nen hano wene Allah akla limago welageikhe meke iti, at nen yakulnekho korlek, nane pakhogon yogeisekhe dogeik nen he, hit nen Allah ayoko 'bekhe dogonoat o.

Filipi 1:9

An nen sembayan hit hinobasik ekhe dogolik, men ekhe lagei, “Yi meke ti meke ai yakhunem erlo kok atluk dukhekherek hak, hit ebe wene hutukhogon hinilu ageik, hutdigik, hagakhe dogolik, akhuni inebe hinakmurogon welagap iti meke kokhogonat hinakmurinakhe dogobageik nen,” iluk, sembayan ekhe lageiat o.

Kolose 2:3

Allah akla kagalek dogolik, yi wene ti wene motok ilu iti, at akla limago welageikhe mekeat he, Kristus arligat nen pakhogon yoknisekherek.

Yakobus 3:13

Hit aperek hinakla kagalek dogolik, yi wene ti wene hutdekhe lagap halok he, akhuni nen ekagat hutdinagouagaluk hinobabut thebekhogo dogolik, hinakla kagalogo hanorogon hagakhe dogono o.

2 Petrus 3:18

Ninoe Etagapogot tilninakherek meke obabut hano etnogo nen woknisekherek meke iti waganhik, ebe hinilu ageik, hagakhe dogolik, hinetaiken horle atluk dogono. Yogotak ya men, yabokane men, at Yesus Kristus arligat hogorakho motok dogouok o, iluk, “Amin,” igi iti.