1 Korintus 1:4 - ALLAH ANE WENW KET MEKE WAROGO WOKNINAKHIKHE WENE

⁴ Allah obabut hano nen, Kristus Yesus alisikhogon, hano meke woknisekherek iti nen, hibiku-yogoku heagei wakho motok welagarek o.

1 Korintus 1:4 ပူးပေါင်းရင်းမြစ်များ

Matius 19:11

at nen, “Itithogon meke re, wene igin yi, akhuni tha'bokhogonat inobasik erlok dek o. It Allah nen inobabut itithogon wogeisasikhe meke anek he, hutdugun o.

Yohanes 10:30

Nopase nipisak ninebe opakiat o,” iluk yogeisekhe lageikhemo,

Yohanes 14:14

Itithogon hagasigin iti nen, hit nen yi meke ti meke an netaga palogo kino yoknekhe dogono. Itithogon kino yoknekhep halok he, an nen hagasigin o,” iluk wene warisasikhe.

Yohanes 14:16

Itithogon hagakhunem, hit yomakhisekhe dogolik, hinom motok dogobageik nen iluk, an nen nopase kino yogosumo, at nen at ageikhe usakhisasigin o. At iti ebe Allah Agoreke ebe wene yokhisekhe dogogin meke. Itithogon hinoba usakhisasumo, it akhuni agat oba meke nen, at iti ebe inokodegat. Nen, ebe inileken hugun degat, iti nen ebe waganusak erlok degat o. Itithogon mekeat he, hit anek he, at ebe hinom dogolik, hinakla motok dogogin iti nen, at ebe hinilu dogogun o.

Yohanes 15:26

Hit yomakhisekhe dogoagaluk Allah Agoreke ebe wene yogeisoagaluk wagarek meke iti, an nen nopase werekma nen hit hinoba la'i agunem, at nen an nabok pakhogon yokhisekhe dogogin o.

La'isasikhe 11:23

At Barnabas iti, obabut hano dogolik, etaiken Yesus oba hakotdiluk motok werekma, Allah Agoreke akla kerlekhogon welageikhe iti nen, la'i agoukhama, wageikhesik ileken hisalok, akla nen, “Allah obabut hano nen hano hagarinakhemo werek higi,” iluk akla arleken akhasikhe. Akla arleken akhasikhesik, “Hit tha'bokhogonat hinetaiken ninoe Etagapogot oba hakotdiluk, at hinom hunigat motok dogono o,” iluk inasuk wakhikhe. Inasuk wakhe lageikhemo, akhuni doalegat, ninoe Etagapogot werekma dapuldiluk inebe wiak-wayakhogon hagatlagoukha.

La'isasikhe 21:20

Yogeisasikhesikmo, Allah hagakhikhe meke iti hogorakhukha. Hogorakhukhasik nen, Paulus yogokhe dogolik, “Paulus nagarlak. Akhuni Yahudi meke inebe 1.000 hakene anek 'buk. Inebe motok doalek-harluadegat inetaiken Yesus oba hakotdegasik werek o. Dogolik, wene Allah nen ninasuk wakhikhe meke etnogo it tha'bokhogonat nen hago dogouogoluk inobatnerogon hagariogei iti hat hilu apigi.

Roma 1:8

Nagarlak lak nerugi. Wene ebe yokhisak nen, alebageik yi tak yokhisak. Akhuni o yi ai ti ai eloma nen, hit tha'bokhogonat hinabok hano ekhe dogolik, “It akhuni o Roma meke inetaiken Yesus oba hakotdiluk welageikharek o,” iluk egarek iti nen, Yesus Kristus oba, “Nopase Allah,” iluk heagei wakhe lagei.

Roma 6:17

Hit alebageik nen, weak hagakharek iti apma ukiluk werekma, yabokane, wene yakulhisugunem, wene iti hinetaikenma waganhigip iti nen, Allah heagei wasuok o.

1 Korintus 1:3

Ninopase Allah, ninoe Etagapogot Yesus Kristus ipisak inobabut hano etnogo nen, hano meke wokhisigik, hinetaiken hapugutdinageigik, hagakhe dogoak o.

1 Timotius 1:14

Iti, at ninoe Etagapogot Kristus Yesus obabut hano nen kokhogon akmutnakhikhesik, nobabut at inom hunik dogolik hagakharek hagat, netaiken at oba hakotdigik, akhuni aperek nakmurinakhik, kokhogonat hagakhe dogoagaluk, nebe woknakhikhe iti o.