1 Korintus 1:12 - ALLAH ANE WENW KET MEKE WAROGO WOKNINAKHIKHE WENE

¹² Wene ebe, men ekhe lagap iti hasik igi. Hat ageikhe nen, “An Paulus meke,” isinem, hat ageikhe nen, “An Apolos meke,” igik, hat ageikhe nen, “An Kepas meke,” igik, hat ageikhe nen, “An Kristus meke,” igik, hinane asokhotek tomok ekhe lagap iti nen igi o.

1 Korintus 1:12 ပူးပေါင်းရင်းမြစ်များ

Matius 23:8

Meke re, hit hinopase guru wene yakulhisekherek meke opakiat anek werek iti nen, hinagarlak lak hinerugi hinom tak-tak halok he, it aperek nen, Guru nopase, iluk yokhisausak motok dek o.

Yohanes 1:42

Itithogon yogokhikhesik Yesus oba wolok wageikhemo, at Yesus ileken at oba lakhasikhesik nen, men yogokhikhe, “Simon Yohanes a'but yi, nagot. Hat hetaga Kepas ekhe dogoagaluk thalhakhi o,” iluk yogokhikhe. Itithogon yogokhikhe iti, nit yoma ninane baga etaga helekit u hak, it Yunani inane baga Petrus egarek hak, Ibrani inane baga etaga Kepas iluk thalhikhe iti.

La'isasikhe 18:24

Ap Yahudi meke ageikhe etaga Apolos. Ebe o Aleksandria nen itaklageikhe meke, o Efesus wageikhesik welageikhe. Ane hano motok yogeisekhe dogolik, Allah ane holal waganek etnogo ilu motok welageikhe.

La'isasikhe 19:1

At Apolos o Korintus etomaat werek korlek, at Paulus etnogo holak upuke dagak-pagak waga lageikhesik, o kota Efesus wageikhe. Wageikhesik, akhuni Yesus ane waganhukha meke aperek werekma inoba ukisikhe.

1 Korintus 1:11

Nagarlak lak nerugi. Wene itithogon igi iti, akhuni he Kloe werekma nen wageikhasik, men ega, “It-irat wene yabiogei o,” iluk pakhogon yoknisi ageikhama nen yokhisigi o.

1 Korintus 15:5

Ilugutdisikhemo, at Kepas ileken hoagaluk elokhoma wisam ageikhe. Oporlik he, it inebe 12 emenogo inileken hoagaluk inelokhoma wisam ageikheat.

1 Korintus 15:50

Nagarlak lak nerugi. Wene yi yokhisak. Ninebe ninaburlal watlagorek meke yi inom, Allah apma 'binaniginmo etoma iteerek asugun motok dek o. Nen, ninebe hirli agorek meke yi inom yabokane ninebe ikhok motok dogogun meke iteerek asugun motok degat o.

1 Korintus 16:12

Ninagarlak Apolos etnogo nen, it ninagarlak lak aperek emenogo wogosik hinoba wisuagaluk, eran-alep akla kagalhe lagei mekeat he, at yogotak ya wisusak iluk akla apiliogo dek o. Meke re, yabokane wisusak apekhe halok wisiginat o.

1 Korintus 4:6

Nagarlak lak nerugi. An wene yokhisigi iti, hit aperek nen, “Hit hinoe iti erlok dek meke re, nit ninoe iti anek he, kok,” iluk hogorakhaunogo iluk yokhisigi. Itithogon hogorakhausak dek iluk, men egarek etnogo, “Wene Allah ane holal waganek werek korlek oba dukhogon ageikhe usak dek,” iluk egarek etnogo hutdubageik iluk, nit Apolos nipisak ninoba lisogon yokhisigi iti o.

1 Korintus 7:29

Nagarlak lak nerugi. Yogotakne, o ilugun oba asi lagosik welago ya baga dogolik ap inagugi waganek meke iti, waganek dek meke negen dogoak, iluk apigirik nen yokhisigi o.

1 Korintus 9:5

Nen, it ap aperek Allah nen inayoko 'biluk la'isa ageikhe meke inom, ninoe Etagapogot agarumi oporlik meke inom, at Kepas inom, inagugi wogosik liliogei iti hak, an anek he, nage Allah a'but meke wolok nekhe dogosak dek nogo a?

2 Korintus 10:7

An nen wene thelekma meke igin yi hutdini o. At ageikhe akla nen, “An nebe Kristus meke welagei,” iluk hutdekhe halok he, ekaerek nen obabut palekhe dogolik, “An nebe Kristus meke hakene, it Paulus lak itihogonat,” iluk hutduak o.

2 Korintus 9:6

Wene iti hasik igin yi hinakla hutdini. It akhuni aperek nen ai herlekha'bugat yariogei meke re, eken herlekha'bugat palugun o. Nen, it aperek ai kokhogon yariogei meke ebe kokhogonat palugun o.

Galatia 2:9

Itithogon hutdinanhukhasik nen, it Yakobus men, Petrus men, Yohanes men, Allah a'buri nen, “Nit ninougi it werek,” iluk egarek meke nen, “Hit nen, wene akhuni itikmanke meke yogeisilik lano. Nen, nit nen akhuni Yahudi meke inobasik yogeisilik lugun. Ninom tak-tak hagakhe dogouok,” iluk nen, Barnabas nipisak niniki hak-hak heagei watninakhukha.

Galatia 3:17

Wene iti men hasik igi. Allah nen, “Itithogon wokhesigin,” iluk, abok kasukhogon isikhesik, 430 tahun welageikhesik nen, wene ninasuk yabokane nen wakhikhe iti baga, wene alep meke iti munenogo degetdigidek.