1 Korintus 1:1 - ALLAH ANE WENW KET MEKE WAROGO WOKNINAKHIKHE WENE

^1-2 Hit Allah a'buri o Korintus natogokhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhe meke etnogo, ninagarlak Sostenes nipisak nen, wene yi holal waganogo hinoba la'i aga iti o. Hit o Korintus meke Allah nen hinayoko 'bisikhemo ninoe Kristus Yesus hinom hunik werekma, Allah nen, “It yi an na'buri o,” iluk hinebe at ekaerek 'bakhasikhemo welagap o. Itithogon dogolik, akhuni o yi ai ti ai etoma nen, it inom, nit ninom, ninoe Etagapogot Yesus Kristus etaga paliogei meke hinom tha'bokhogonat wene yi holal waganogo hinoba la'i ago iti o.

1 Korintus 1:1 ပူးပေါင်းရင်းမြစ်များ

Lukas 6:13

O wi ageikhemo nen, at agarumi ane waganhe lagoukha meke emenogo waisasikhemo wagoukhama nen, it meke inebe 12 wenago 'bisasikhesik nen, “Hinebe la'inagagin,” iluk meldisasikhe.

Yohanes 15:16

Hit nen an wenaknakhigip 'buk. Dek o. An nen hit wenakhinakhigi iti, o eken ikherek iti hak, motok dogogin meke hagasi lobageik nen iluk, hinebe wenakhinakhigisik meldinagagi. Iti baga, nena meke, hit warlok meke an netaga palogo nopase kino yogosugun halok he, at nen wokhisageinat o.

Yohanes 20:21

Itithogon inakla arleken akhasukhama, at Yesus nen wene ageikhe inom yabokane men yogeisasikhe, “Nagarumi. Hinagorakma. An nopase nen la'ani ageikhe iti hak, an nen hit itithogonat la'inagagin o,” iluk yogeisasikhe.

La'isasikhe 1:15

Itinem, Allah a'buri aperek inom inebe 120 hakene natogorlek dogolik, at Petrus inakla melageikhesik nen, wene men yogeisasikhe,

La'isasikhe 1:2

at opase nen ebe pogot oba wolok dageisikhe iti hurli, holal waganogo la'i agagi iti o. At ebe pogot oba aban dageigidek werek korlek, at agarumi wenago inebe inayoko 'biluk la'isagaluk hagakhikhe meke emenogo Allah Agoreke obatne baga inasuk wakhikhe.

La'isasikhe 18:17

Ula'isugunem, it akhuni aperek tha'bokhogonat nen, ap etaga Sostenes, o akhuni Yahudi meke sembayan egarekma iteerek kok welageikhe meke iti, ebe hakhasukhasik nen, o ukum inoba 'bigik, kokhik, hagakhe lagoukhama etoma ebe tugi wakhukha. Itithogon wakhe korlegat at Galio etnogo nen irlirli waganhidek obakhaniniat huk ageikhe.

La'isasikhe 22:21

Itithogon yogokhunem, ninoe Etagapogot nen, It akhuni itikmanke meke walegat etoma inoba la'agagin iti nen, lan o, iluk yoknikhikhe,” iluk yogeisasikhe.

Roma 1:1

Hit Allah a'buri o Roma welagap meke nagarlak lak nerugi. At Allah hinebe akmu meke tha'bokhogonat an Paulus Kristus Yesus atuaneke meke etnogo nen wene holal waganogo hinoba la'i agei iti o. An nen hano wene etnogo akhuni yogeisilik nekhe dogoagaluk Allah nen wenago meldanhikhesik la'ani ageikhe o.

Roma 1:10

Sembayan itithogon ekhe dogolik, at Allah nen hano apalok, “It inoba lano,” iluk yoknetluk woknarik wisuagaluk kino yogokho motok welagei o.

Roma 1:5

At watlageikhesikmo nen Allah Agoreke nen ilugutdisikhe iti baga, an nen yi akhuni ti akhuni inukuloak etaga tomok inetaiken at Yesus oba hakotdiluk ane hologo hagakhe dogosak meke yakulisugunem, at etaga kok asuagaluk Allah obabut hano nen nayoko 'biluk la'ani ageikhe o.

1 Korintus 15:9

Nit Yesus nen ninayoko 'biluk la'inanhikhe meke aperek inetaga werek mekeat he, an anek he, netaga dek o. An nen Allah a'buri natogokharek meke yi aik ti aik hagarinakhe lagagi iti nen, an nen, “Nebe Yesus nen nayoko 'biluk la'ani ageikhe meke,” iluk usak he, erlok dek o.

1 Korintus 3:9

Hit hinebe iti Allah ayabu hak werekma, nit nipisak nen Allah ayabu wo'isekhe lago. Ageikhe hinebe Allah ai halek hak werekma, nipisak nen Allah ai halogo 'bisekhe lago.

2 Korintus 1:1

Nagarlak lak nerugi. An Paulus Allah akla apasikhe baga, Yesus Kristus nen nayoko 'biluk la'ani ageikhe meke etnogo, ninagarlak Timotius etnogo nipisak nen hit Allah a'buri o Korintus natogokhethep meke inom, o propinsi Akhaya etoma ya ta welagathep meke tha'bokhogonat inom, wene yi holal waganogo hinoba la'i ago iti o.

2 Korintus 11:5

It aperek iti, Yesus nen inayoko 'biluk la'isa ageikhe meke negen hagatlatluk wagunem, hit nen, “It iti koktek negen,” iluk woginakhe korlegat he, an nakla nen he, “It koktek, nen, an erlok dek,” iluk apekhe lagei motok dek o.

2 Korintus 12:12

Hit nen he, “Paulus he, Kristus nen ayoko 'biluk la'i ageikhemo,” iluk ekagat hutdanuagaluk, an ninom dogolik yi meke ti meke hasik nobakhanini hapugutdiluk hagakho werekma, akhuni nen hutduagaluk, Allah nen obatnerogon yi meke ti meke elalinat hagakhe lageikhe.

2 Korintus 8:5

Nit ninakla nen, “It itithogon hugun,” iluk apogo meke werek korlek, inebe tak ninoe Etagapogot wogokhasik nen, at Allah akla apasikhe hak, inebe nit woknisegaat o.

Galatia 1:1

Hit Allah a'buri o Galatia yi ai ti ai natogokhe lagap meke nagarlak lak nerugi. An Paulus nagarlak lak nerugi Allah a'buri aperek o yoma ninom welago meke inebe tha'bokhogonat ninom nen wene yi holal waganogo hinoba la'i ago iti. An nayoko 'biluk la'ani ageikhemo wagagi iti, erlo akhuni nen 'buk. Nen, ap ageikhe wene oba warogo 'biluk la'ani ageikhe 'bugat o. Meke re, at Yesus Kristus ebe watlageikhemo opase Allah nen ilugutdisikhe meke etnogo ipisak nenat nayoko 'biluk la'ani agoukhama wagagi iti.

Efesus 1:1

Hit Allah a'buri o Efesus natogokhe lagap meke hinetaiken Kristus Yesus oba hakotdiluk hinom hunik welagap meke, nagarlak lak nerugi. An Paulus, Allah akla apasikhe baga, at Kristus Yesus nen nayoko 'biluk la'ani ageikhe meke etnogo nen wene yi holal waganogo hinoba la'i agei iti o.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

Kolose 1:1

Hit Allah a'buri o Kolose natogokhethep meke Kristus hinom hunik dogolik, at hasik hinobabut hupukhogon hagakhe lagap meke, nagarlak lak nerugi. An Paulus Allah akla apasikhe baga, Kristus Yesus nen nayoko 'biluk la'ani ageikhemo wagagi eke etnogo, ninagot Timotius nipisak nen wene yi holal waganogo hinoba la'i ago iti o. Ninopase Allah obabut hano etnogo nen, hano meke wokhisigik, hinetaiken hapugutdinagagik, hagakhe dogoak o.

1 Timotius 1:1

Timotius na'but o. Hetaiken Kristus oba hakotdisigin iti nen, an na'but eberogonat agaginmo, wene yi an Paulus nen holal waganogo hoba la'i agei iti o. At Allah tilninakherek meke inom, Kristus Yesus nen hanotninabigin iluk ninakla apekhe lago meke etnogo inom, ipisak nenat nayoko 'biluk, at Kristus Yesus hasik hagakhe dogoagaluk la'ani agoukhama wagagi iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

1 Timotius 2:7

Itithogon apekherek iti nen, at nen he, “Hat nen ebe wene iti akhuni itikmanke meke nen eberogonat iluk inakla apalok waganuagaluk, yakulisilik nekhe dogono,” iluk, an nayoko 'biluk la'ani ageikhemo, yogeisilik nekherek iti o. Itithogon igi iti eberogonat igi. Nekalat igi dek o.

2 Timotius 1:1

Timotius na'but nakmu o. Allah nen he, “Hit Kristus Yesus hinom hunik werekma hiniluguthinakherek,” iluk, abok yoknisasikhe meke iti, an Paulus nen yogeisilik nekhe dogoagaluk, akla apasikhe baga Kristus Yesus nen nayoko 'biluk la'ani ageikhemo, yoma dogolik wene yi holal waganogo hoba la'i agei iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.