YURAT 1:9 - Ala Ane Wene Ket Mene Warogo Wo'ninapike Wene

⁹ At Mikael, malaikat Ala nen yoko pelaksa wagarek mene inoe kain atì nen, it ap atì hagarì'lùgì atì hak hagasu ayùk welagaike. At he, Musa ebe warek hesik, Ibilit eperak wene palhì logolìk, ane ning hogo wenagarìk ùkùm oba housak elok meneat he, ayùk hogo, mel yogosike: “Ninoe Etagepogot en wenakhesuak o,” ìlùk yogosike.

YURAT 1:9 ပူးပေါင်းရင်းမြစ်များ

2 PETERÙT 2:11

It malaikat Ala nen yoko pelaksa wagarek mene atì, inomame motok apik. Yì mene tì mene hagasusak elogat meneat he, it pogot oba hogorinaparek mene atì, ùkùm inoba houagalùk, ninoe Etagepogot oba wogisek lìlìk he, it en inabok weak palharek lek. Meneat he, it ap Ala ane yogoisagarek mene salek inapeliak ìkì logogun mene atì, inomame motok lek. It en yì mene tì mene hagasusak mea logolìgat he, it pogot oba hogorinaparek mene atì inabok weak palhì logogun atì.

ABÌKAKAN 12:7

Atì'nogo lagasik werek kolek, pogot oba weim kagalaganem lakhìgì. Malaikat Mikael agoromì inom en walo a'nogo wasuogolùk ikenem, at a'nogo agoromì malaikat at werekwe mene inom agaikasik weim yapì lagaika.

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

1 TESALONIKA 4:16

Ninoe Etagepogot pogot oba nen pi waganem he, it malaikat mene inoe kain mene ane hùkorogo ìgìk, Ala apìkon ane huthikenem ane pak ìgìk, ikenem, apùnì Karìsùt inom hutik logolìk wa'larì'lùgì mene tak inelugurinabigin.

MAREKÙT 15:29

Atì'nogo menhisasukwama were'ma, apùnì kwe atìkwe lagìk, wagìk, ìkì logolìk Yesùt mel yogotì lagaukwa: “Aha! Hat en he, mel isigin akìgì: Ala awì wùrìk yì mesalogo hìlìk he, neki pìre ba wùtì logopik en aike nen he, arat katok hogo wusigin, ìlùk isigin a'nogo re, hokawerek hebe e arì ba nen telogo pi me ta!” ìlùk inùkùloak kwanìthìkì logolìk inane sagan wokhìkì lagaukwa.