YOHANET 9:39 - Ala Ane Wene Ket Mene Warogo Wo'ninapike Wene

³⁹ Ati'nogo hogorasikomo, at Yesùt en he, mel yogosike: “An nen apùnì aike ineileken mùm mene hùgì hanorinapìk, it aike ineileken hano mene hùgì mùmerinapìk, ìkì logoigìlùk nebe kweangma yoma pi wagagi o,” ìlùk ikenem,

YOHANET 9:39 ပူးပေါင်းရင်းမြစ်များ

YOHANET 3:19

Nen, Ala nen ùkùm inoba hikerek atì re, ebe yì'nogo. An nen lìa hagarinapìrek mene nebe arat kweangma pi wagagi meneat he, apùnì inoabùt weak hagatarek atì nen he, At lìa atì ninabìt o. At he, o mùm atìat walok, ìlùk ina'la akagarek.

YOHANET 12:46

Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o.

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

1 YOHANET 2:11

Atì'nogo meneat he, sa nen erùgì agaiya'lak apsìrì welagarek halok he, at ebe o mùm oba werek o. Atì'nogo were'ma, mùm nen eileken mùmethikomo ebe o mùm oba nìkì logolìk, “Koma laga lagì heat,” okot oake palek werek o.

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

LUKAT 1:79

O mùmmo logolìk wa'lasusak atì ninayùk, ìlùk akìlì'lùgì a'nogo o lìa hagarogo hisìgìk, ninoake heite palek were'ma, Kwe yì ba lamo hina'la hapuk igin, ìlùk, yogonisìgìk, igin o,” ìlùk, Sakaria nen isike.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

EPESÙT 5:14

Atì'nogo lìa ba hikenem enagat arik he, lia agarek atì nen he, mel egarek atì: “Hat nogo ìkì lagen atì, hebe heluk ame o. Nen, warek hake welagen atì, heluk ame o. At Karisùt en lìathabigin o,” ìlùk agarek atì.

YOHANET 9:25

at en he, mel yogoisasike: “Ap atì ebe weak hagaterek mene he a? Lek he a. An nokot meneat he, an alebat en neileken mùm welagìrek mene re, yogotak ya hano agarìk welagì atì nek nelu o,” ìlùk yogoisasikomo,

YOHANET 8:15

Hit en he, ùkùm noba hìkì lagep atì re, hit apùnì-apùnì ùkùm inoba hìgìk, kotìk, egesep hagat noba hìkì lagep meneat he, an enek he, apùnì ùkùm inoba hìgìrek motok lek o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

LUKAT 13:30

Mene re, lakhani! It apùnì o yogotak inetagewerek mene atì, hobuk inetage lek asigin o. Nen, it aike yogotak inetage lek werek mene atì hobuk inetagewerek asigin o,” ìlùk yogoisasike.

LUKAT 7:21

Atì'nogo yogosi wagaukwasik werek kolek atem sat he, at Yesùt en he, apùnì ou weak mene inom, heinet apik watì lagaukwa mene inom, hano hagarinapìk, mokareke oabùt weak mene ina'la kisikesik were'ma henogo wulaksìgìk, ineileken mùm mene hano asuagalùk hekenogo hagarinapìk, ìkì lagaikesik,

LUKAT 2:34

Nen, at Simeon a'nogo nen, “Ala nen hanothinabuak,” ìlùk, ane agauk hogo yogoisìlìk he, omalik a'nogo agosa Maria yogorik he, mel isike: “Ala nen he, yekerek yì ba, it ap Isirael mene inebe logolegat, aike menhisìgìk, aike pelakhisìgìk, hagasuagalùk menhesike o. At yì apùnì obogat hùthoagalùk menhesike meneat he, it apùnì obogat en, Ninabìt o, ìlùk ìlì'lùgì a'nogo,

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 6:23

Meneat he, hineileken weak halok he, hinebe abirat o mùm hake logogun o. Mene re, hina'la o lìa hake mene atì mùm aga halok he, eigo! Motok ebenagei'mo mùmat welagep o,” ìlùk yogoisasike.

2 TESALONIKA 2:10

Atì'nogo hagatì logolìk he, ebe wene atì apùnì nen walok en wanumo Ala nen telinabusak meneat he, at oabùt weak mene atì nen lalpalogo hagarinapenem, it en he, “Ebe wene atì ninabìt o,” ìlùk, ìkì logogun atì ba weagarinabigin o.

MATÌÙT 15:14

Ineileken mùm logolìgat he, kwe lisìlì'lùgì atì hebisani o. At aike eileken mùm mene nen, at aike atì'nogo eileken mùmat mene yogotì logolìk he, Kwe yìkwe lù, ìlùk eki hagasogo wolok legein halok he, eperagat holugu i kaluk wagane'ma pile wo'laka pugun o,” ìlùk yogoisasike.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.