YOHANET 9:35 - Ala Ane Wene Ket Mene Warogo Wo'ninapike Wene

³⁵ Apùnì nen, “It en ap a'nogo legeta'ma wulabi wagai,” ìlùk isukwama, at Yesùt asuk holhikesik oba nen, hobuk ap a'nogo eperak apì agaukwasik he, mel yogosike: “Ap aike ebe abat ta'lasi wesigin, isukwa a'nogo, ebe hùthìlìk en hetaùken oba hìpìrethegen a?” ìlùk yogosikomo,

YOHANET 9:35 ပူးပေါင်းရင်းမြစ်များ

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 YOHANET 5:10

Apùnì inetaùken Ala aput oba hìpìrethìlì'lùgì mene hùgì nen he, “Wene atì eberogoat o,” ìlùk ina'la nen hùthìlì'lùgì. Atì'nogo meneat he, apùnì aike inetaùken Ala ba hìpìrethìgì'lek mene hùgì nen he, “Wene Ala okawerek en aput hesik abok isike wene atì eberogoat,” ìlùk akìgì'lek logolìk, Ala apeliak ikerek mene negen hagarogo hìlì'lùgì o.

1 YOHANET 5:5

Apùnì inoabùt inesogat logolìk weak hagatarek mene mabenetsìlìk inomame agaikarek atì sanì nen nogo? Atì re, nit en, “Yesùt atì Ala aput,” ìlùk ninetaùken at oba hìpìrethogorek mene hùgì nenat o.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

ÙRÙM 10:20

Nen, hobuk Ala nen he, wene aike mel isike: “Apùnì an nebe hera'nabi'lùgì lek mene nen, hera'napa o. Nen, apùnì an noba hinok wo'napì'lek mene nen, nebe neoagalùk nokawerek en inelokoma melagì o,” ìlùk isikomo, Yesaya nen ayù'legat yogoisasike.

LAKSASIKE 9:20

Atì'nogo welagaukwa atem sat, o it apùnì Yahuri mene sapan ìkì lagaukwa bakwe kìlìk, wene Yesùt hesik yogoisìkì logolìk he, “At Yesùt atì, ebe Ala apurat o,” ìlùk yogoisìkì lagaike.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 11:27

at Mareta nen he, mel yogosike: “Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

YOHANET 5:14

Atì'nogo hagasukwasik oba nen, hobuk, at Yesùt Ala awì wùrì'mo ap a'nogo eperak apì agaukwasik he, mel yogosike: “Nopase. Yagotak hat hoba arat se agen atì re, hobuk weak hùko mene aike hoba asinogo nen he, weak mene aike hagatùn o,” ìlùk yogosike.

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 1:34

at ebe neileken tùkùm hogo hìgìrìk hùthìgì o. Atì'nogo hùthìgìrìk, at atì Ala aput eberogoat o, ìlùk, abok hit pak hogo yogohisìkì lagì yì,” ìlùk yogoisasike.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

MAREKÙT 1:1

Hano wene, Yesùt Karìsùt, Ala aput en hagatì lagaike wene yogohisak.

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

MATÌÙT 14:33

Palagaikomo re, it so a'la welagaukwa mene amanogo nen Yesùt hogoratì logolìk he, “Hat eberogoat Ala aput heogo o,” ìlùk yogosukwa.

MATÌÙT 4:3

Atì'nogo nele were'ma re, at Ibilit ina'la kagalìk nikerek mene a'nogo oba wìrìk he, “Hat eberogoat Ala aput halok he, helep aroma sùpùrùk horoti mene haga'lasuak en yogosin o,” ìlùk, yogosikomo re,

YOHANET 9:22

Atì'nogo yogoisasukwa atì re, it ap kaintek Yahuri mene nen, ìkì logolìk he, “It apùnì inebe lopok en, Ap yì re, Ala nen nit apùnì telninabuagalùk lakhei wesigin isike a'nogo Karìsùt ebe yìat o, ìlùk pak hogo iko halok he, ouma sapan egare'ma nen lisogo wulaksùok o,” ìlùk wene palhukwa mene werek atì nen he, ap atì opase agosa it ap kaintek Yahuri mene inayùk en he,

YOHANET 9:34

it en he, mel yogosukwa: “Hat hoabùt weagat ta'lagagitik, weak motok hagatetek meneat he, hat en wene nit yakùlnisasak nogo? Motok mea o,” ìlùk yogosukwasik he, o sapan egarek oba nen eki lisogo legeta'ma wulaksa wagaukwa.

3 YOHANET 1:10

Atì'nogo hagarì'logo atì, aike re, apeliagat nit ninabok weak ìlì'logo. Atì'nogo ìkì logolìk, a'la nen he, “An hagatì lagì atì re, hamùlùgat. Na'la mea. Hobuk aike inom hogo hagasiginat o,” ìlùk akìkì logolìk he, it Ala againapùrì aike waganem, at ebe nen woginapì'lek logolìk, it aike nen woginabuogolùk ikenem wenagisìlìk, inebe Ala againapùrì atogotare'ma nen mùk hogo wulaksikeregat atì nen, an nebe wìrìk en, at hagarì'logo mene atì hùthoagalùk ekalì wasigin o.

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]