YOHANET 9:29 - Ala Ane Wene Ket Mene Warogo Wo'ninapike Wene

²⁹ Nen, ap Musa hesik he, wene Ala nenat yogosike, ìlùk, nit ninelu meneat he, ap atì hesik enek he, ebe o koma nen waga mene he, nit ninokot o,” ìlùk ìkì lagaukwama,

YOHANET 9:29 ပူးပေါင်းရင်းမြစ်များ

MATÌÙT 12:24

Atì'nogo ikenem, it ap Parisi mene amanogo inasuk holhukwasik he, mel isukwa: “Ap yì mokareke oabùt weak mene inoe kain etage Peelsepùl a'nogoat at oba louksek were'ma nogo nen he, mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo,” ìlùk ikenem he,

MATÌÙT 26:61

“At yì nenat, Ala awì atì mesalogo lakhìlìk he, obùlù'mo, hobuk neki pìre ba wùtì logopik en, aike ba arat elùgùn warogo wusigin o, ìlùk isike mene,” isukwama re,

LUKAT 23:2

Wagaukwasik ùkùm oba hìkì logolìk he, mel yogosukwa: “Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk, Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa.

YOHANET 1:17

Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.

YOHANET 7:27

Atì'nogo meneat he, nit apùnì telninabuagalùk Ala nen lakhei wesigin isike a'nogo ebe waga halok, ero ka nen waga he, apùnì obogat inokot logogun meneat he, ap yì nek he, Ebe ap ero atoma mene, ìlùk nineluat o,” ìlùk ìkì lagaukwa.

YOHANET 7:28

Atì'nogo ìkì lagaukwama, at Yesùt Ala awì wùrì'mo wene re, ane hùkorogo mel yogoisasike: “An nebe mel, nebe o atoma nen wagagi mel, hit hinelu nogo? An wagagi atì re, an nabusak na'la nen kagalogo wagagi lek o. We, at ane eberogoat enek ikerek mene a'nogo nenat lakhani wagaike meneat he, at ebe hit hinokot o.

YOHANET 8:14

at Yesùt en he, mel yogoisasike: “An wagagi mene mel, legein mene mel, hit hinokot meneat he, an enek he, nebe o atoma nen wagagi, nen hobuk o atoma legein, ìlùk nelu atì nen he, an nabok inelu asuagalùk nokawerek enat yogoisìkì lagì atì re, wene atì eberogoat yogoisìkì lagì o.

YOHANET 9:16

it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

YOHANET 9:30

at en he, mel yogoisasike: “Egi! Nayùk e. Ap atìi nen, an neileken hano haga'nape meneat he, hit en, At ebe o koma nen waga mene he, nit ninokot, ìlùk ìkì lagep atì, elalin hogoat ìkì lagep ù.

LAKSASIKE 22:22

Paùlùt en atì'nogo yogoisìlìk waganem, it amanogo inasuk hano holek welagaukwasigat he, hùlì atem oba ikenem inane hùkorogoat mel isukwa: “Ap oabùt yìgìnìk he, kweangma eluk logousak lek. Wasuok o!” ìlùk

LAKSASIKE 26:22

Noasuogolùk isukwa meneat he, Ala nen ha'narek motok were'ma, an yogotak yoma metek logolìk hit ap kaintek mei, hinagoromì mel, wene an nen yogohisìkì lagì yì. Wene yì re, hageat en, it ap Ala ane yogoisìkì lagaukwa mene nen mel, at Musa nen mel, Hobuk tì'nogo haga'lasigin, ìlùk isukwa meneat yogohisìkì lagì o.

LAKSASIKE 7:35

Hageat it apùnì Isirael mene nen he: Hat nit ninoe kain logolìk ùkùm inoba hìgìk, kotìk, ìkì logouagalùk, sa nen menhagaikomo. Ninabìt o, ìlùk wenagasukwa a'nogo, at Musa at o. Atì'nogo wenagasukwa meneat he, malaikat Ala nen yoko pelaksa wagarek mene amanogo, at Musa eileken hoagalùk aike pelakhei wagaikomo re, e sebele'ma nen weinam agaikomo eileken hasike mene a'nogoat, inoe kain logolìk telinabuagalùk ayoko hìlìk lakhesike atì.

IBERANI 1:1

O holoat, at Ala nen it ap at ane yogoisìkì lagaukwa mene amanogo eki ninhùkwe-nanhùkwe, wene at aike yogotìk, at aike yogotìk, hunik-hunigat yogoisikenem he, it en nit ninapu ninopalak yakùlisìkì lagaukwa.

IBERANI 1:2

Meneat he, o elùgùn oba, nit yogotak welago ya ba re, Ala nen wene atì aput yogosikomo, at en nit yakùlnisa wagaike. Aput atì re, ero ba Ala nen yì mene tì mene obogat elalhike atì, ebe at aput enat elalhikomo, esewerek logouagalùk menhesikomo logogin atì.