YOHANET 9:16 - Ala Ane Wene Ket Mene Warogo Wo'ninapike Wene

¹⁶ it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.

YOHANET 9:16 ပူးပေါင်းရင်းမြစ်များ

MATÌÙT 12:2

Palogo nìlìk laganem he, it ap Parisi mene nen ineileken isìlìk he, Yesùt mel yogosukwa: “Lakhan! Nineki sabìt oba Ala hesik welegat logolìk he, Atì'nogo hagasusak lek, ìlùk wene palek werek meneat he, hat hagoromì gandum eken palogo nìlìk wagaika yì rì,” ìlùk yogosukwama re,

LUKAT 13:14

Atì'nogo hagasikomo re, ap aike sapan egarek oba atoma inoe kain welagaike mene atì nen mel isike: “Yesùt atì nineki sabìt oba Ala hesik welegat werek kolek, he atì ou hagate atì nahalok,” ìlùk a'mage nen he, apùnì apik amanogo mel yogoisasike: “Yì hagatìk, tì hagatìk, ìkì logousak atì re, ineki paigoak Oba atì baat hagatì logousak o. Halok he, hineki atì baat ou hinoba mene hagathinabuagalùk waga logoino. Mene re, Ala hesik welegat logolìk wesusak lek o,” ìlùk atì'nogo yogoisasikomo,

YOHANET 10:19

Wene atì'nogo yogoisasike atì nen, it ap Yahuri mene inane apik sagalhukwasik inebe mìkìlhukwa.

YOHANET 14:11

An nenat nopase neperak hutik, nen, nopase nen an neperak hutik, welagorek ìgì atì, eberogoat ìlùk, hit hùtheni o. Atì hùthasak mea halok he, an hagatì lagì mene atì hineileken hìlìk, hùthanini o.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 5:10

Atì'nogo welegat werek kolek hagasikomo laganem he, it ap kaintek Yahuri mane nen ineileken hasukwasik he, ap ou kerat se agaike mane a'nogo mel yogosukwa: “Nagot yì. O yogotak he, nineki sabìt oba Ala hesik welegat logolìk, hat lit wolok lasak lek mene wolok laga lagen,” ìlùk, yogosukwama,

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 6:52

Atì'nogo yogoisasikomo re, it ap Yahuri mene amanogo, it-it inane palhì logolìk he, wene mel isukwa: “Ap sanì. Ap yì ebe mane nit noagalùk nìkì'nogo wo'nisagalùk en yogonisike akegep,” ìlùk isukwama,

YOHANET 7:12

it apùnì apik amanogo inasuk holhukwasik he, inane sami-samok ìkì logolìk, it aike nen he, “At he, hano,” ikenem he, it aike nen he, “Lek o. At he, weak. Apùnì lalinabì'logo,” ìlùk isukwa.

YOHANET 7:23

Nen, wene Ala nen ninasuk wasike wene at Musa nen wokhisasike atì sagalinogo ìlùk, ineki sabìt oba Ala hesik welegat logolìk inekalìma mene inogat palinapesep meneat he, an nen nineki sabìt oba Ala hesik welegat logolìk, ap aike ebe motok hano hagatì meneat he, hit en nenahalok wena'netì lagep.

YOHANET 7:43

Ìlùk atì'nogo ìlìk laga lagaukwasik, elùgùn oba re, apùnì apik amanogo Yesùt hesik inane sagalogo inebe mìkìlhukwa.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

LAKSASIKE 14:4

Atì'nogo hagatì lagaukwa meneat he, it apùnì o kota atoma mene inebe logolegat mìkìlogo re, it o'moko apùnì Yahuri mene werekwe agìk, it o'moko it ap Yesùt en inebe weteberogo inayoko hìlìk laksasike mene amanogo werekwe agìk, isukwa.