YOHANET 9:1 - Ala Ane Wene Ket Mene Warogo Wo'ninapike Wene

¹ At Yesùt ebe o atoma hebùlùk kwe laga logolìk, eileken hìthasike hak he, ap aike agosa a'la nen motok eileken mùm ta'lagaike mene hasike.

YOHANET 9:1 ပူးပေါင်းရင်းမြစ်များ

YOHANET 8:59

Atì'nogo yogoisìkì lagaikomo, it ap amanogo nen he, at Yesùt ebe wasuogolùk helep inekim wanhukwa meneat he, Yesùt ebe hina'lagaikesik en, o Ala awì wùrì'mo herakhùlùk wele'ma lagaike.

YOHANET 9:2

Atì'nogo hasikomo, at agoromì ane wanhì lagaukwa mene amanogo nen he, mel yogosukwa: “Noe. Ap eileken mùm arì re, ero at okawerek en weak hagasike ba nen a? At he, ero opase agosa weak hagasukwa ba nen ebe atì'nogo ta'lagaike a,” ìlùk yogotì lagaukwama,

MATÌÙT 9:27

At Yesùt o atoma nen laganem ap inebe pìre ineileken mùm mene opolik laga logolìk inane hùkorogo mel yogosukwa: “Ap Taùt en tagokwe mene noe a! Hetawì'ninabin o,” ìlùk yogosukwa.

MATÌÙT 20:30

Laganem he, ap inebe pìre ineileken mùm mene ebekalem hùrek were'ma, apùnì nen he, “Yesùt wìrì'logo,” ìlùk isukwama inasuk holhukwasik, inane hùkorogoat he, Yesùt mel yogosukwa: “Taùt en tagokwe mene ninoe a! Hetawì'ninabin o,” ìlùk yogosukwama re,

MAREKÙT 9:21

Atì'nogo hagatì lagaikomo re, at Yesùt en yekerek a'nogo opase oba hinok wanhì logolìk mel yogosike: “Yekerek yì yì'nogo hùlì kì hùlì nen hagate,” ìlùk isikomo, at en he, mel yogosike: “Hùlì ebe yekerek oba nen hagaterek meneat o.

LUKAT 8:43

Laganem he, he aike amep lago motok werek kolek 12 tahun haga'lagaike mene, it aike nen hano hagasuagalùk inayoko hìkì lagaike meneat he, it en hano hagatì'lek werek kolek, amep a'nogo palagì'lek lago motok welagaikesik,

YOHANET 5:5

Atì'nogo serogo welagaukwa mene ap aike re, ou warek werek kolek 38 tahun haga'lagaike mene inom inebe atoma weitek were'ma, Yesùt eileken hasikesik he, “Ap yì holoat en yì'nogo welagare'ma hìgì,” ìlùk eileken enagat hasikesik he, mel yogosike: “Nopase. Hat hano hagathabusak walok a? Habìt a,” ìlùk yogosikomo,

LAKSASIKE 4:22

Ap esok wùt warek mene elalin hagasukwa atì re, ebe 40 tahun welagaikesi'mo nen, hano hagasukwa atì.

LAKSASIKE 9:33

Pisikesik he, ap aike etage Eneat. O hageat en esok wùt warek motok logolìk he, mo lagagìk pìgìk iko kolek 8 tahun weitek motogat welagaike mene, atì'nogoat were'ma, eileken hasike.

LAKSASIKE 14:8

O Lisitera atoma ap aike agosa a'la nen ta'laga logolìk esok wùt warek ta'lagaikesik esok etawì lek en kwe lagì'lek hùrek motogat welagaike.

LAKSASIKE 28:4

Eki ba hutik were'ma, apùnì inawìwerek mene amanogo ineileken hìlìk, it-it ìkì logolìk ha, “Ap yì re, apùnì inoare mene o. Ima nan telogo wùlìbi waga meneat he, su etaga Ùkùm, apùnì inebo inoaterek mene a'nogo nen, At ebe eluk logousak lek, ìlùk, wate yì,” ìlùk isukwa.