YOHANET 8:6 - Ala Ane Wene Ket Mene Warogo Wo'ninapike Wene

⁶ Wene atì'nogo yogosukwa atì re, Yesùt ape ba wene oko ikenem ekalì warogo ùkùm oba houogolùk isukwa meneat he, at ot soma ìlìk eki tùm en kweang oba helal wanho kamo isike.

YOHANET 8:6 ပူးပေါင်းရင်းမြစ်များ

LUKAT 10:25

Wene atì'nogo yogoisìkì lagaikomo re, hobuk ap Ala ane helal waganek yakùlisìkì lagaike mene aike Yesùt oabùt paligìlùk oba wagaikesik he, mel yogosike: “Noe. An neluk motok logoik en he, noabùt nìkì'nogo hagatì logoik he,” ìlùk yogosikomo,

MATÌÙT 19:3

Ou hano hagarinapo kolek he, it ap Parìsi mene he'nakìt Yesùt oabùt paluogolùk oba wagaukwasik he, mel yogosukwa: “Ap en he, hìmì waganek mene atì, ùkùm hùko mene, hamùlùk mene, oba hìkì logolìk he, Nabìt, ìlùk lologo heraksasak elok a? Mea a,” ìlùk yogosukwama,

1 KORÌTÙT 10:9

Nen, apùnì it mene aike nen he, “Ninopase Etagepogot a'mage werek nogo?” ìlùk lalogo hagatì lagaukwama, walo aik en palinapì lagaikomo re, wa'larìk lagaukwa atì hak, nit ninoasinogo ìlùk atì'nogo hagasusak motok lek o.

MAREKÙT 10:2

Yakùlisikenem he, ap Parisi mene aike Yesùt oba wagaukwaat. Wagaukwasik he, mel yogosukwa: “Yesùt. Ap en he, hìgì waganek mene lologo hebisasak elok a? Mea a,” ìlùk oabùt paluogolùk hinok wanhukwa.

MAREKÙT 8:11

At Yesùt lak o Talamanuta wùlìbi wagaukwama re, ap Parisi mene aike Yesùt inom wene ane ìkì logolìk oabùt paluogolùk, oba wagaukwasik he, mel yogosukwa: “Hat hebe Ala nen lakhagei wagama wagen halok he, nit en hùthagagùkwe, hat en elalin mene aike hagasin he,” ìlùk yogosukwa.

MATÌÙT 26:63

at Yesùt ane ìgì'lek kamo isikomo re, at ap kain Ala esewerek mene a'nogo nen he, “Ala aput Karìsùt lakhei wesigin isukwa a'nogo, ebe hat halok he, yogonisanok ìlùk, at Ala eluk motok welagarek mene etage hopuk palogo yogohetì o,” ìlùk yogosikomo,

MATÌÙT 22:35

ap aike Ala ane yakùlisìkì lagaike mene nen, Yesùt oabùt paligìlùk oba hinok wanhì logolìk he, mel yogosike:

MATÌÙT 22:18

at Yesùt en it ap atì inoabùt weak enagat palhikesik he, “Hit hinogat oba nek hano salek logolìk, hinetaùken pìre mene yì rì! Nenahalok noabùt paluogolùk ìkì lagep.

MATÌÙT 16:1

Wthlibi wagm'kesik were'ma, it ap Parìsi mene mel, it ap Saluki mene mel, Yesùt oabùt paluogolùk oba wagaukwasik, mel yogosukwa: “Hat hebe hopase Ala pogot oba mene nen pelakhagei wagaikomo wagen halok he, nit en hùthagukwe nineilhanem elalin mene aike hagasin he,” ìlùk yogosukwa,

MATÌÙT 15:23

at Yesùt en oko motok yogotì'lek kamo isikomo re, it ap at ane wanhì lagaukwa mene amanogo wagaukwasik he, “He yì ninopolik waga logolìk ane motok apik ninoba sabelìk wìrì'logo yì re, wele'ma hela loak en laksan o,” ìlùk yogosukwa.

MATÌÙT 10:16

Atì'nogo yogoisasikesik he, aike mel yogoisasike: “An nen, hit he, hinoabùt wam topa wam oabùt hake mene, it apùnì inoabùt yeke lo yeke oabùt weak mene hake mene inekele'ma heak hogo lakhikegeinmo atì re, hinoabùt walo oabùt hibik-hebek hogo hagaterek atì hak hagatìk, sùe pel oabùt enago welagarek atì hak welagìk, ìkì logoino.

YOHANET 8:2

Lagasikesik, ohealekokwe hùp siak hogo pi wagaikesik, Ala awì wùrì'mo wagaikeat. Wagaikesik ouma kisikomo re, apùnì apigat at oba wagaukwama, at ebe hù'lagaikesik he, wene yakùlisasike.

LUKAT 11:16

it aike nen, at Yesùt oabùt paluogolùk he, mel yogosukwa: “Hat hebe Ala nen lakhagei wagama wagen halok he, nit en hùthagagùkwe, hat en elalin mene aike hagasin he,” ìlùk yogosukwa.

MAREKÙT 12:15

at Yesùt en, “Inane lagak hogo yogoneta,” ìlùk inoabùt enagat palhikesik he, mel yogoisasike: “An noabùt paluogolùk egep atì nenahalok. Uang perak yabu ineki omake hesik hagatenem ineki oko wogisagarek a'nogo mene aike neileken hak en he, wani lani o,” ìlùk yogoisasikomo,

MAREKÙT 3:2

Atì'nogo were'ma kisikomo re, it ap he'nakit ina'la nen mel akasukwa: “Yogotak he, nineki sabìt oba Ala hesik welegat werek kolek, at en ap arì hagasigin a? Lek a. Hagate halok he, Hat weak hagaten, ìlùk, ùkùm oba houok o,” ìlùk ineil wanhì lagaukwa.