YOHANET 8:44 - Ala Ane Wene Ket Mene Warogo Wo'ninapike Wene

⁴⁴ Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

YOHANET 8:44 ပူးပေါင်းရင်းမြစ်များ

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

MATÌÙT 13:15

It apùnì yì ineileken hìgìk, inasuk holhìk, ina'la ebetìk, ìlìk en, inepe hebelumo hobuk an nen hanorìnabinogo ìlùk he, it en ina'la pùk agìk, inasuk togùm-togùm hagatìk, ineileken pùk uagalùk, ineram enat pùk-pùk hagatìk, hagasukwa o, ìlùk Ala nen isikomo Yesaya nen helal waganogo hesike atì higit asuagalùk yogoisìkì lagi o.

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

YOHANET 8:38

An he, nopase neperak logolìk neileken hìkì lagagi meneat yogohisiko kolek, hit enek he, hinopase a'nogo nen ikerek mene ane hologo hagatì lagep o,” ìlùk yogoisasike.

YOHANET 8:41

Hit he, hinopase a'nogo hagaterek mene hagatì lagep o,” ìlùk yogoisìkì lagaikomo, it en he, mel yogosukwa: “A! Nit pailak holelogo ta'ninapa mene hùk. Nit ninopase Ala aligat o,” ìlùk yogosukwama,

LAKSASIKE 13:10

mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

LAKSASIKE 24:9

Atì'nogo yogosikomo, it ap Yahuri mene he'nakìt amanogo nen hogo re, ùkùm at oba hìkì logolìk he, “At Teretùlùt en ike atì, eberogoat ike o,” ìlùk yogosukwa.

LAKSASIKE 5:3

Hei wagaikomo, at Peterùt en he, “Ananiat. Ibilit en ha'la kagalhomo Ala Areagùn lalogo kweang oko o'moko mìkìlogo hokawerek hesik hakalùk wagen atì nahalok.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

1 YOHANET 1:8

Atì'nogo meneat he, nit en ìkì logolìk he, “Nit weak agaike hagatì'lek,” ìlùk ìkì lago halok he, ninapeliak ninokawerek lalìkì lago atì nen, ebe wene nina'la motok lek o.

1 YOHANET 2:21

An nen wene helal waganogo hinoba lakhei wagì atì re, ebe wene hinokot en hùk. Hinelu welagep atì nenat lakhei wagì o. Nen, inapeliak egarek atì ero re, Ala ebe mene nen hùk. Ero hunigat, ìlùk hineluat o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

1 YOHANET 3:12

Nit en he, at Kain ebe Ibilit oabùt weak mene atì aput agaikesik okawerek agot mene wasike atì hak hagasusak lek o. At en agot wasike atì, nenahalok wasike nogo. At hagatì lagaike mene kolo motok, nen, agot hagatì lagaike mene higit motok, atì nenat wasike o.

1 YOHANET 3:15

Inerùgì inagaiya'lak inapsìrì welagaikarek mene atì, it inebe lopok apùnì inoare meneat o. Nen, it apùnì inoare mene atì, inebe lopok nabùlal-habùlal ese agì'lek motok werek, ìlùk ninelu o.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

ABÌKAKAN 13:14

Atì'nogo aike hagatì laga atì, at yeke lo yeke hake hùko alep mene a'nogo nen, elalin mene at eilhanem hagatì logouagalùk esewerek hike mene a'nogo ebe hagatì logolìk, apùnì kweangma welagaikarek mene apeliak lalinapì laga. Atì'nogo lalinapì logolìk, it apùnì amanogo nen, yeke lo yeke hake hùko karok oba wasukwama ebe wa'lasusak mene apotkwe se agaike mene a'nogo ebe hake hagarogo sukwan aike wusuagalùk yogoisikomo ebe wùta lakhìgì.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

ABÌKAKAN 22:15

Atì'nogo meneat he, it apùnì aike weak ina'meilo mene hagatarek mene mel, it wesagùn akolek inoatarek mene mel, it pailak haksìgìk, haksoagalùk hagatìk, egarek mene mel, it apùnì inoare mene mel, it inetaùken tùgì hareken oba hìpìrìk logolìk hogoratarek mene mel, it inape ba nen lalinapìk, yì mene tì mene hagatì logolìk, lalinapìk, egarek mene inebe lopok mel, obogat o kota atì abel etakwe logogun o,” ìlùk yogonete.

ABÌKAKAN 9:11

Nen, it atì inoe kain etagepogot hagisek welagarek mene re, at malaikat Ala nen a'ma baga pelaksa wagaikomo welagarek mene a'nogoat. At atì etage, nit ninane ba re, weagarinapùkwe u hak, it apùnì Iberani mene inane ba re, etage Abalon ìgìk, nen, it apùnì Yunani mene inane ba re, Apolion ìgìk, egarek mene lakhìgì.