YOHANET 8:37 - Ala Ane Wene Ket Mene Warogo Wo'ninapike Wene

³⁷ Atì'nogo yogoisasikesik, aike mel yogoisasike: “Mene re, hit he, ap Aberaham en tagokwe mene welagep, atì an nelu o. Meneat he, hit hina'la nen an nane wanusak hinabìt atì nen he, hit enat an nebe noasuogolùk naweim kabelhì lagep atì.

YOHANET 8:37 ပူးပေါင်းရင်းမြစ်များ

1 KORÌTÙT 2:14

Wene Ala Areagùn nen wo'nisikerek wene atì, it apùnì Ala Areagùn ina'la werek mene nek hùthagarek atì nen, it apùnì inoabùt inesogat logolìk, hùthagarek lek. Atì'nogo hùthagarek lek atì re, it en he, “Wene atì apùnì kepù mene nen egarek hake ìlì'lùgì,” ìlùk egarek atì nen, wene atì hùthìgì'lek werek o.

ÙRÙM 9:7

At Ala nen wene Aberaham mel yogosike: “Hat en tagokwe mene wìalasugun, ìlùk yogohesigi a'nogo ebe re, haput Isak yì nen tagokwe mene nen wìalasugun mene nek hesik yogohesigi o,” ìlùk yogosike atì nen he, Aberaham en tagokwe mene obogat he, Ala againapùrì usak hùk. Lek o.

YOHANET 7:1

Wene atì'nogo arat yogoisalùk he, it ap kaintek Yahuri mene nen, Yesùt ebe wasuogolùk weim abok ìkì lagaukwa atì nen he, at ebe o Yurea pìlìk nìkì logou abìt en he, a Kalilea tokwe atoma nìkì lagaike.

YOHANET 8:59

Atì'nogo yogoisìkì lagaikomo, it ap amanogo nen he, at Yesùt ebe wasuogolùk helep inekim wanhukwa meneat he, Yesùt ebe hina'lagaikesik en, o Ala awì wùrì'mo herakhùlùk wele'ma lagaike.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

YOHANET 8:43

Atì'nogo wagagisik, wene yogohisìkì lagì mene hit hùthìgì'lek welagep atì nahalok. Atì'nogo welagep atì re, an nane holek logousak hinabìt atì nen o.

YOHANET 11:53

Atì'nogo yogoisasikomo, hùlì atì hùlì nen, it ap kaintek Yahuri mene nen Yesùt ebe motok wasuogolùk weim abok isukwa.

YOHANET 7:19

Nen, wene Ala nen ninasuk wasike wene atì, Musa nen helal waganogo wokhisasike lek nogo? At enat wokhisasike akìgì. Meneat he, ap hit mene aike nen, wene atì higit hogo hagatì'lek logolìk an noasuogolùk weim abok ìkì lagep atì nenahalok,” ìlùk yogoisasikomo,

YOHANET 10:31

it ap kaintek Yahuri mene nen he, helep inekim wanhukwasik, Yesùt ebe motok wasuogolùk isukwa.

YOHANET 8:6

Wene atì'nogo yogosukwa atì re, Yesùt ape ba wene oko ikenem ekalì warogo ùkùm oba houogolùk isukwa meneat he, at ot soma ìlìk eki tùm en kweang oba helal wanho kamo isike.

YOHANET 7:25

At Yesùt en wene atì'nogo yogoisiko were'ma, it apùnì o Yerusalem mene inebe heta nen mel ìkì lagaukwa: “Ap wasuogolùk aweim kabelì'lùgì a'nogo, ebe arì lek nogo? Ebe arìat o.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

MATÌÙT 13:15

It apùnì yì ineileken hìgìk, inasuk holhìk, ina'la ebetìk, ìlìk en, inepe hebelumo hobuk an nen hanorìnabinogo ìlùk he, it en ina'la pùk agìk, inasuk togùm-togùm hagatìk, ineileken pùk uagalùk, ineram enat pùk-pùk hagatìk, hagasukwa o, ìlùk Ala nen isikomo Yesaya nen helal waganogo hesike atì higit asuagalùk yogoisìkì lagi o.

YOHANET 8:33

it en he, mel yogosukwa: “Nit he, ap Aberaham en tagokwe mene nogo nen he, ninebe apùnì aike inatitigeke agì'lek mene nek welago. Meneat he, hat en ìkì logolìk he, Hinebe hole hikalogo hinalepma hikegein o, ìlùk egen atì re, ha'la nìkì'nogo akegetik en egen,” ìlùk yogosukwama,

MATÌÙT 3:9

An nen he, at Ala nen Aberaham againapùrì negen haga'lasuagalùk helep yì mene elok hagasusagat o, ìlùk yogohisìgì atì nen, hit hina'la nen he, Aberaham atì nit ninopase, ìlùk akagùp o.

YOHANET 8:56

Nen, hit hinopa Aberaham a'nogo nen, an wesigin hesik ìkì logolìk, At waganem neileken hegein, ìlùk an naleik watì lagaikesi'mo nogo nen he, eileken arat neasikesik a'la hai hakasike,” ìlùk yogoisìkì lagaikomo,

1 YOHANET 2:14

Yekerùgì nagainapùrì e. Ninopase Ala hinelu agagisip welagep atì nen, helal waganogo hinoba lakhei wagìk, hit nopaselak, at emakum ero ba nen welagarek mene a'nogo ebe hinelu agagisip welagep atì nen helal waganogo hinoba lakhei wagìk, hit ap elege nagoromì, hit hinomame were'ma Ala ane hina'la were'ma re, at oabùt weak mene arat mabenethesigip atì nen, helal waganogo hinoba lakhei wagìk, ìgì atì o.