YOHANET 8:34 - Ala Ane Wene Ket Mene Warogo Wo'ninapike Wene

³⁴ at en he, mel yogoisasike: “Apùnì weak hagaterek mane atì inebe lopok he, weak hagatarek atì atitigekeat, ìlùk eberogoat yogohisìgì o.

YOHANET 8:34 ပူးပေါင်းရင်းမြစ်များ

ÙRÙM 6:16

Hit he, ap aike atitigeke arìk he, ane holek logouogolùk, awe a'ma kìlìk logolìk, at ane holhì lagep halok he, at atitigeke meneat welago ìlùk hinokot nogo? Weak hagatarek mene atì awe a'ma kìlìk he, wùrep oba wa'lagaikarek atì. Meneat he, at Ala ane hologo logolìk he, at awe a'ma kìlì'mo, wùrep oba at en ùkùm ninoba mene korogo wokhìlìk at ninom hobuk ninapotkwe hùnogo hinikerek atì.

2 PETERÙT 2:19

Apùnì obogat he, yì mene tì mene omame arìk mabenetsikenem, omame asigin mene atì atitigeke welagaikarek atì nen he, it atì, inokawerek inebe weagarinaperek mene atì atitigeke logolìgat he, it apùnì aike yogoisìkì logolìk, “Hit nit ninoabùt wanugun halok he, hobuk hinalepma asugun o,” ìlùk we tùlemat yogoisìkì logogun atì.

ÙRÙM 6:12

Ninebe wa'lagorek mene yì were'ma, weak hagatarek mene atì omame asinogo nen he, awe a'ma kìlìk logogùp o. Weak hagasuagalùk hina'la kagali waga halok he, weak mene atì ane hinasuk holhùp o.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

ÙRÙM 8:21

Atì'nogo werek meneat he, hobuk Ala nen hanothegein oba weregat o. Atì sat he, apùnì hele warek weak were'ma, hele hikalogo telinaparek hak, pogot kweang yì mene tì mene obogat alematsikerek mene nen omame ba hagisek were'ma, Ala nen hele hikalogo telogo hisegein o. Atì'nogo hisegein atì, at againapùrì inebe hùnogoat hagarogo hisikenem hogorinabugun atì hak, pogot kweang yì mene tì mene atì'nogoat hanogoat hagarogo hisikenem hogorasugunat o.

ÙRÙM 7:14

Wene Ala nen ninasuk wasike wene atì, at Areagùn nen yogonisasikesi'mo nogo nen he, hano motok, ìlùk ninelu. Mene re, an noabùt he, apùnì inoabùt inesok meneat welagì. Weak hagatarek atì mene nen awe a'ma hanigìlùk oko palogo negen wo'napikomo welagì.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

MATÌÙT 5:18

An nane eberogoat yogohisak. Pogot mel, kweang mel, oan lek agì'lek werek kolek ya re, wene Ala nen ninasuk wasike mene atì, helal hamùlùgat sobon al hake mel, inesiken omakeat hake mel, lek agì'lek motok heleleng hogo eberogoat haga'lasigin o.