YOHANET 8:31 - Ala Ane Wene Ket Mene Warogo Wo'ninapike Wene

³¹ Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

YOHANET 8:31 ပူးပေါင်းရင်းမြစ်များ

MATÌÙT 24:13

Meneat he, sa nen epe morogo motok logogin halok he, o wùrep oba Ala nen teligin o.

YOHANET 1:47

Atì'nogo yogosikomo, at Nataniel Yesùt oba wesigìlùk waganem, at Yesùt eileken lakhìlìk, at abok mel yogoisasike: “Ap arì ebe Isirael ebe mene. Ane pìre ikerek motok lek mene arì lakhani!” ìlùk yogoisasikomo,

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 6:55

An nebe mel, namep mel, atì re, hinapùrùk hinagei ebe meneat o.

YOHANET 8:36

Atì hak he, an Ala ebe aput en, hit hele hikalogo hinalepma hikìgì halok, eberogoat hele hikalek hinalepma logogun o,” ìlùk yogoisasike.

LAKSASIKE 13:43

Yogoisasukwama, it sapan ìkì lagaukwa ba nen wùlùpukwasik laganem he, it apùnì Yahuri mene mel, etakwe mene Ala ane wanhukwasik Yahuri mene negen welagaukwa mene mel, inebe logolegat inopon lagaukwa. Lagaukwama, it Paùlùt Parenapat eperak en he, mel yogoisasukwa: “Ala oabùt hano nen haga'ninaperek mene atì, hinetaùken tùlem logolìk hagatì logoino o,” ìlùk inasuk wasukwa.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

LAKSASIKE 26:22

Noasuogolùk isukwa meneat he, Ala nen ha'narek motok were'ma, an yogotak yoma metek logolìk hit ap kaintek mei, hinagoromì mel, wene an nen yogohisìkì lagì yì. Wene yì re, hageat en, it ap Ala ane yogoisìkì lagaukwa mene nen mel, at Musa nen mel, Hobuk tì'nogo haga'lasigin, ìlùk isukwa meneat yogohisìkì lagì o.

ÙRÙM 11:22

Ala oabùt he, hano inom, weak inom, welagarek atì hani! It alema'lagaukwa mene hesik he, oabùt weak atì. Nen, hit at oabùt hano mene hinom hutik logogun halok he, oabùt hano atì. Mene re, atì'nogo hutik logogun lek halok he, hit atì'nogoat palogo lakhikegein o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

1 TIMOTÌÙT 2:15

Atì'nogo meneat he, it hìmì inetaùken Ala oba hìpìrethìlìk he, inebe Ala hesik hisìlìk tegelek logolìk, apùnì aike inetawìrinapìk, ineil lopok hogo hagatìk, ìkì logogun halok he, omalik taginapenem, Ala nen telinabiginat o.

1 TIMOTÌÙT 4:16

Atì'nogo hagatì logolìk, hokawerek hesik inom, it apùnì aike yakùlisìkì lagen mene hesik inom, hoabùt hebelogo logoino. Hebelogo logolìk, ha'la pùk agì'lek, atì meneat hagato motok logoino. Atì'nogo hagatì logogin halok he, hokawerek en hebe telìgìk, apùnì aike hane holì'lùgì mene inebe telinapìk, igin o.

2 TIMOTÌÙT 3:14

It en atì'nogoat hagatarek meneat he, hat enek he, nit ninebe helu mene nen ebe wene yakùlhesugumo, hat en he, “Eberogoat,” ìlùk wanhìgin mene atìat ning hogo hesogo logoino.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

IBERANI 8:9

An nen hit hinopalak o Mesit en wogisek wùlìbi wesigìlùk inogat hagisìkì logolìk, Tì'nogo hagathinabigin, ìlùk wene warisasigi atì hak hùk. Hunigat o. An nen it wene warisasigi mene atì hologo higit hogo hagatì'lek atì nen he, it inebe nabìt, ìlùk kobologo hisasigi atì.

YAKOBÙT 1:25

Nit apùnì nineki hele warek negen were'ma, wene hano wene Ala nen ninasuk warogo katok hogo yogonisikerek atì ba hikalninaperek. Halok, sa nen wene atì asuk enek holìk he, lì'mathikerek hùk. We, tùkùm hogo hùthìlìk, oba eberek motok logolìk, wene atì higit hogo hagate halok, yì mene tì mene hagatenem, Ala nen a'la hairogo lebethìkì logogin o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.