Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANET 8:28 - Ala Ane Wene Ket Mene Warogo Wo'ninapike Wene

28 Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

အခန်းကိုကြည့်ပါ။ ကော်ပီ




YOHANET 8:28
28 ပူးပေါင်းရင်းမြစ်များ  

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.


Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.


Nen, ap Musa o leimo apùnì le'ma atoma logolìk, walo hake hagarogo e ba menhesike atì hak, it apùnì yoma inetaùken an abat ta'lasi wagagi mene yì noba hìpìrethogoin mene hùgì, inebe lopok ineluk motok logouagalùk, an atì'nogoat menhanusak obaat menhanugunat o.


Atì'nogo meneat he, it Peterùt Yohanet eperak atì'nogo oan kelaksìgì'lek werek kolek, wene apùnì yogoisasukwama, it wene inasuk holhukwa mene amanogo inebe logolegat en, “Wene atì eberogoat,” ìlùk wanhukwama re, it alep mene inom, hobuk mene inom, lapuk hogo, ap enek inebe apigat 5.000 hake haga'lagaikeat atì.


Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.


Wagamkwasik he, atoma Yesùt ebe e ba tùlem menhìlìk he, it ap aike hunigat mene inom abel he'na-he'na menhisasukwa.


Nen, aike re, an nopase were'ma laganem, hit hineileken neogoin motok lek atì nen, at lebethisìkì logogin mene atì wìrìk he, wene higit hogo hagatì logousak mene hesik hukalogo yogohisa wesiginat.


An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,


Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.


Nit en wene ninelu meneat yogohisìgìk, nineileken hogo meneat eberogoat ìlùk, pìlìngìrogo yogohisìgìk, ogorek meneat he, ninane atì holhì'lek hinobaken nene hagatì lagep ìlùk, nane eberogoat yogohetì lagì.


Apùnì inebe logolegat en inetage an netage mene salogo nen mel ìlìk wesugun: Karìsut a'nogo nebe wagì yìat o, ìlùk, inane eberogoat salek apùnì apigat lalinabi wesugun o.


Apùnì inebe apigat en inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìlùk inane eberogoat salek apùnì apigat lalinabi wesugun.


at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.


Atì'nogo yogosikomo, at Yesùt en he, mel yogosike: “Ap egen atì ebe re, an neperak weneane ìkì lago nebe yìat o,” ìlùk yogosike.


Atì'nogo yogoisasike meneat he, it en he, “At opase Ala hesik abok yogonisìlì'logo,” ìlùk wene atì hùthìgì'lek welagaukwa.


at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.


Wene atì hobuk arat eberogoat haga'laga halok, At esok motok welagarek mene a'nogo arat o, ìlùk hùthanuageip en ìlùk, yogotak wene atì oan haga'lagì'lek werek kolek abok yogohisìgì o,” ìlùk yogoisasikesik he, wene aike mel yogoisasike:


Inane atì'nogo yogosukwa atì re, at Yesùt en wene hageat yogoisìkì logolìk, “An tì'nogo haga'nabìk noasugun,” ìlùk ìkì lagaike mane a'nogo, it atì'nogo hagasukwama, at ane ebe agaike atì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ