YOHANET 8:25 - Ala Ane Wene Ket Mene Warogo Wo'ninapike Wene

²⁵ Atì'nogo yogoisasikomo, it en he, “Hat hebe sa nogo,” ìlùk oba hinok wokhasukwama, at en he, mel yogoisasike: “Tùlemat atì, hobuk nenahalok yogohisegein.

YOHANET 8:25 ပူးပေါင်းရင်းမြစ်များ

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

LUKAT 22:67

it en mel yogosukwa: “Ala nen Karìsùt ayoko hìlìk lakhei wesigin isike a'nogo harat a? Hat halok he, yogonisan o,” ìlùk yogosukwama, at Yesùt en he, mel yogoisasike: “An nen yogohisikenem he, eberogoat ìlùk hina'la hùthogoin nogo?

YOHANET 19:9

Atì'nogo ayùk agaikesik, Yesù wolok apotkwe o ùkùm inoba hìgìk, kotìk, egare'ma a'nogo kisikesik, mel yogosike: “Hat hawì ero o koma,” ìlùk yogosike meneat he, at Yesùt en oko ìgì'lek kamo isike.

YOHANET 1:22

Atì'nogo yogoisasikomo it en he, mel yogosukwa: “Halok he, hat he, hebe sa nogo. Nit wene sekek hogo yogonisamo re, it ap nit lakhina wagaika mene, nit en wene aike yogoisa lagùkwe re, hat hokawerek habok nìkì'nogo egetek. Ninelu asuak en, sekek hogo yogonisan o,” ìlùk yogosukwa.

YOHANET 10:24

it ap kaintek Yahuri mene era'lu atogosi wagaukwasik he, mel yogosukwa: “Ninalabut hìrìk werek kolek herakhinanhì lagen yì, ninalabut siok hogo, hùlì nineki kì ba nen yogonisegein. Ala nen Karìsùt ayoko hìlìk lakhei wesigin isike a'nogo, hebe harat halok he, pak hogoat yogonisan o,” ìlùk yogotì lagaukwama,

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 8:24

Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.

YOHANET 8:26

An nen yì wene tì wene apigat yogohisìgìk, ùkùm hinoba hìgìk, kotìk, usak elok meneat he, at lakhani wagaike mene a'nogo ane eberogoat enek ikerek atì nen, at en ikenem nasuk holhì lagì mene atìat hit kweangma mene yoma yogohisìkì lagì o,” ìlùk yogoisasike.