YOHANET 8:24 - Ala Ane Wene Ket Mene Warogo Wo'ninapike Wene

²⁴ Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.

YOHANET 8:24 ပူးပေါင်းရင်းမြစ်များ

YOHANET 3:36

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

YOHANET 3:18

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

MAREKÙT 16:16

Yogoisìlìk laganem he, it apùnì aike nen wene atì eberogoat ìlùk akogoin mene ima pelaginabugun mene hùgì, Ala nen telinabigin meneat he, it aike wene atì eberogoat ìlùk wanugun lek mene hugi Ala nen ùkùm inoba hìlìk weagarinabigin o.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

YOHANET 13:19

Wene atì hobuk arat eberogoat haga'laga halok, At esok motok welagarek mene a'nogo arat o, ìlùk hùthanuageip en ìlùk, yogotak wene atì oan haga'lagì'lek werek kolek abok yogohisìgì o,” ìlùk yogoisasikesik he, wene aike mel yogoisasike:

YOHANET 4:26

Atì'nogo yogosikomo, at Yesùt en he, mel yogosike: “Ap egen atì ebe re, an neperak weneane ìkì lago nebe yìat o,” ìlùk yogosike.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

YOHANET 8:21

Atì'nogo kamo isukwama re, at Yesùt wene hobuk aike it amanogo mel yogoisasike: “An nebe hobuk legeinat o. Lìlìk atoma werek kolek, hit an hera'nabugun meneat he, o an legeinmo atoma hit lasak mea atì nen he, hit weak hagatì lagep mene ùkùm hinoba werek kolegat hinebe wa'lasugun o,” ìlùk yogoisasikomo,

LAKSASIKE 4:12

At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.

MAREKÙT 13:6

Apùnì inebe apigat en inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìlùk inane eberogoat salek apùnì apigat lalinabi wesugun.

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

MATÌÙT 24:5

Apùnì inebe logolegat en inetage an netage mene salogo nen mel ìlìk wesugun: Karìsut a'nogo nebe wagì yìat o, ìlùk, inane eberogoat salek apùnì apigat lalinabi wesugun o.

YOHANET 8:25

Atì'nogo yogoisasikomo, it en he, “Hat hebe sa nogo,” ìlùk oba hinok wokhasukwama, at en he, mel yogoisasike: “Tùlemat atì, hobuk nenahalok yogohisegein.

YOHANET 8:28

Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.