YOHANET 8:2 - Ala Ane Wene Ket Mene Warogo Wo'ninapike Wene

² Lagasikesik, ohealekokwe hùp siak hogo pi wagaikesik, Ala awì wùrì'mo wagaikeat. Wagaikesik ouma kisikomo re, apùnì apigat at oba wagaukwama, at ebe hù'lagaikesik he, wene yakùlisasike.

YOHANET 8:2 ပူးပေါင်းရင်းမြစ်များ

MATÌÙT 26:55

it ap apik wagaukwa amanogo mel yogoisasike: “Ap yogot wanhenem haksa wagaikarek atì hak, hit en atì'nogoat an hakhanuogolùk, karok mel, payùk mel, motok wolok wagep yì rì! An ninhùp-nanhùp Ala awì wùrì'mo hùrek logolìk wene yakùlisikenem, hit en an yì'nogo hakhanhì'lek welagasibat he,

LUKAT 21:37

Wene atì'nogo yogoisasikesik he, hobuk, at Yesùt o we ikenem Ala awì wùrì'mo, wene yakùlisìgìk, o hi ikenem tom Saitun punu ba sapan i lagagìk, ìkì lagaike.

LUKAT 4:20

Arat yakùlisìlìk he, helal waganek a'nogo ìkìlogo re, ap esewerek mene a'nogo wogorìk he, ebe hù'lagaike. Hù'lagaikomo, it apùnì obogat sapan uogolùk inom kisukwa mene amanogo ineileken at oba motok lùrogo lakhasukwa.

LUKAT 5:3

Eileken isìlìk he, Yesùt ebe so Simon mene a'la kìlìk he, “So yì hìgìlogo re, i eken tùlem negen hamùlùgat siok hogo lakhein o,” ìlùk, Simon yogosike. Atì'nogo yogorìk, at ebe so a'la hù'larìk he, apùnì apik amanogo i aik obakwe were'ma wene yakùliisasike.

YOHANET 8:20

Wene atì'nogo yogoisasike atì re, at ebe Ala awì wùrì'mo peti uang Ala hesik hisagarek oba era'lu logolìk iaike. Atì'nogo ikenem, at ebe hakhousak oba oan asi wagì'lek werek kolek nogo nen he, it apùnì amanogo aike nen hakhìgì'lek kamo isukwa.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

LUKAT 21:38

Atì'nogo ikenem, apùnì obogat amanogo at ane holuogolùk he, Ala awì wùrì'mo hùp siak hogo atogosi waga lagaukwa.

YOHANET 8:3

Wene yakùlisiko were'ma, it ap Ala ane esewerek mene mel, Parisi mene mel en, he aike pailak hagatonem ineileken hasukwasik, Yesùt oba wolok wagaukwasik, he a'nogo ebe tùlem menhìlìk he,

LAKSASIKE 5:21

Atì'nogo yogoisasikomo re, inasuk holìlùk, o we iko kolek, Ala awì wùrì'mo kìlìk wene yakùlisìkì lagaukwa. Atì'nogo yakùlisiko kolek he, it ap Ala esewerek mene inoe kain a'nogo agoromì inom en ap inalùgetek Isirael mene wene ero pìlìngìtì lagaukwa mene obogat, inayoko hesukwasik inebe atogothìlìk, inagoromì aike nen he, it Yesùt en inayoko hìlìk laksasike mene ineki hele warek hisasukwa mene a'nogo wogisek wesuagalùk, o hisasukwa ba a'nogo laksasukwa.