YOHANET 8:19 - Ala Ane Wene Ket Mene Warogo Wo'ninapike Wene

¹⁹ it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

YOHANET 8:19 ပူးပေါင်းရင်းမြစ်များ

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

1 KORÌTÙT 15:34

Weak hagatì lagep mene atì heraksìlìk he, yogotak hinepe hebela'ni o. Hit aike Ala ebe hinokot welagep atì nen, hinekalì wasigìlùk yogohisìgì atì.

YOHANET 7:28

Atì'nogo ìkì lagaukwama, at Yesùt Ala awì wùrì'mo wene re, ane hùkorogo mel yogoisasike: “An nebe mel, nebe o atoma nen wagagi mel, hit hinelu nogo? An wagagi atì re, an nabusak na'la nen kagalogo wagagi lek o. We, at ane eberogoat enek ikerek mene a'nogo nenat lakhani wagaike meneat he, at ebe hit hinokot o.

YOHANET 1:10

At enat pogot kweang elalhike meneat he, at ebe kweangma wagaikesik were'ma re, it apùnì kweangma mene yoma nen, at ebe hùthìgì'lek welagaukwa.

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

KALATIA 4:9

Mene re, an nen he, “At Ala hinebe elu welagarek,” ìlùk uem, “Hit yogotak en Ala ebe hinelu agep,” ìlùk ìgì atì. Halok he, hit hinokawerek en mokareke oabùt weak omame lek mene, eilmo lek mene, atì oba hobuk hinapotkwe awe a'ma kuogolùk ìkì lagep atì, nenahalok.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

YOHANET 15:21

Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

KOLOSE 1:15

Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

1 YOHANET 2:23

Sa nen, “Ala aput atì, ebe nabìt,” ìlùk kogologo laksike halok, opase Ala ebe wanhì'legat o. Nen, sa nen, “Ala aput ebe atìat o,” ìlùk ane pak hogo ike halok, opase Ala ebe wanheat o.