YOHANET 7:48 - Ala Ane Wene Ket Mene Warogo Wo'ninapike Wene

⁴⁸ Nit ap Yahuri mene hinogogì kaintek aike nen inetaùken at oba hìpìrethìgìk, nit ap Parisi mene aike nen inetaùken at oba hìpìrethìgìk, ikenem aike isìkì lagep a? Motok lek o.

YOHANET 7:48 ပူးပေါင်းရင်းမြစ်များ

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

1 KORÌTÙT 2:8

Apùnì kweangma mene inogogì kaintek o yogotak werek yoma, wene atì inelu agì'lek inokorat werek. Inelu logoilepma re, ninoe Etagepogot hogoratorek a'nogo, ebe e ba menhìlìk wa'lep legat o.

1 KORÌTÙT 1:20

Apùnì ina'la kagalek mene atì mel, apùnì yì wene tì wene ero inelu mene atì mel, apùnì wene serep aga logolìk inane omame agaikarek mene atì mel, we, tùlemat werek o. At Ala nen he, “Apùnì inawene ina'la kagauk hogo egarek mene atì re, apùnì inetaùken abit mene nen egarek hak ìlì'lùgi o,” ìlùk isike lek nogo?

YOHANET 7:26

Meneat he, ebe lakhani! Nayùk e. Ayù'legat logolìk, wene yogonisikenem, it en wene oko yogotì'legat kamo ìlì'lùgì yì. It ap ninogogì kaintek yoma ina'la nen he, Ap yì nit apùnì telninabuagalùk Ala nen lakhei wesigin, ìlùk isike a'nogo ebe arìat, ìlùk ina'la akagasik en ìlì'lùgì he a.

LAKSASIKE 6:7

Atì'nogo hagatì lagaukwama re, Ala ane hùko aga logolìk, apùnì o Yerusalem mene Yesùt ane wanhukwa mene inebe apigat haga'lagaukwa. Atì'nogo haga'laganem, it ap Ala esewerek mene amanogo inebe esa hùkoat en, wene atì wanhukwasik inetaùken Yesùt oba hìpìrethesukwaat.

YOHANET 7:50

Atì'nogo yogoisasukwama, ap it mene aike etage re, Nikotemùt, alebat o hùako Yesùt oba wagaike mene a'nogo nen, it mel yogoisasike:

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

LUKAT 23:13

Nen, at Yesùt wolok lagaukwama re, at Pilatùt en, it ap Ala esewerek mene inogogì kaintek mel, it ap Yahuri mene kaintek inetagewerek mene aike mel, inagoromì obogat mel, “Atogosi we'ni o,” ìlùk yogoisasikomo wagaukwama re,

YOHANET 3:1

Apùnì Yahuri mene inoe kain ap Parisi mene inawene hesogo welagaike mene aike etage Nikotemùt.

YOHANET 7:49

Motok lek meneat he, it apùnì apik yoma wene Ala nen ninasuk wasike wene a'nogo inokot logolìk ìlì'lùgì atì, Ala nen homan inoba hisikomo werek o,” ìlùk yogoisasukwa.