YOHANET 7:37 - Ala Ane Wene Ket Mene Warogo Wo'ninapike Wene

³⁷ Wene atì'nogo isukwasik oba nen, pesta a'nogo elùgùn kobok nikenem, Yesùt ebe melagaikesik, ane hùkorogo mel Yogoisasike: “Sa nen i nele halok, an noba na wesusak o.

YOHANET 7:37 ပူးပေါင်းရင်းမြစ်များ

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

YOHANET 6:35

at en he, mel yogoisasike: “Sùpùrùk inelugurinapìrek mene atì re, an nebeat o. Sa nen an noba wagìk, etaùken noba hìpìrethìgìk, igin halok he, sùpùrùk nele agìk, i nele agìk, ìkì logogin lek o.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

ABÌKAKAN 21:6

Atì'nogo yogonetesik, hobuk aike mel yogonete: “Ero mel, erepùl mel, anatma, an nebe re, ero ba nen pìkìt, erepùl oba nesok motok logogin mene nen, i nele mene i inelugurinaperek mene elesimo nen hinagasogo oko lek welegat wogisìkì logogin o.

ABÌKAKAN 22:1

Atì'nogo yakùlnetomo hìgìrìk oba nen opolik he, Ala ho, Topa Eak ho, eperak kain welagaikarek inobùlùk oba nen, i inelugurinaperek mene elokoken muliak hano inapùnak hake mene elesi wùlogo re,

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

YOHANET 6:55

An nebe mel, namep mel, atì re, hinapùrùk hinagei ebe meneat o.

MATÌÙT 11:28

“Hit hinoba ekin-pekin hogo seget apik hagatì lagep mene atì, an nen hinoba seget nokok hogo hikamo set waloageip en, noba we'ni o.

1 KORÌTÙT 10:21

Hit he, ninoe Etagepogot agei amusu hinago nìkìk, mokareke oabùt weak mene agei hinago nìkìk, usak motok lek o. Nen, ninoe Etagepogot apùrùk nekarek oba nìkìk, mokareke oabùt weak mene apùrùk nekarek oba nìkìk, usak motok legat o.

1 KORÌTÙT 10:4

i nekarek hak, omakeat mene elalinat wogisiko kolek, inebe obogat nìkìk, ìkì lagaukwa. I atì re, helep Ala nen hesike mene, inom motok nìkì logolìk, a'la nen wùlùpenem nìkì lagaukwa atì. Helep atì ebe re, Karìsùt at o.

EPESÙT 5:18

Anggur eken amusu hùkorogo nikenem atì nen hinebe lùgùlùgì palìk weagathinabinogo nen he, nìkì logogùp o. At he, Ala Areagùn atìat hina'la peserogo wanino.

1 KORÌTÙT 11:25

Atì'nogo wogisasikomo arat nasukwama nen he, isoak eken amusu hinago atì'nogoat ekim wanhikesik he, mel yogoisasike: “Namep wulagasogo wa'lasigin atì ba Ala nen wene ket mene warogo wokhinabigin ìlùk isike atì, namep hinago ebe yìat o. Halok, yì'nogo nìkì logolìk he, hobuk an noba eberek logouageip en, yì'nogoat nìkì logoino. 2

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 5:40

hinebe hineluguthinabuagalùk an noba wesusak he, hinabìt o.

YOHANET 1:23

Atì'nogo yogosukwama re, at Yohanet en he, mel yogoisasike: “At Yesaya Ala ane yogoisìkì lagaike mene a'nogo nen, mel isike: Ap aike o leimo apùnì le'ma atoma ane wai ìkì logolìk he, Ninoe Etagepogot wesiginkwe hanorogo yatì logoni o, ìlùk, ìkì logogin, ìlùkisikomo helal waganek werek a'nogo re, nebe anat o,” ìlùk yogoisasike.

YOHANET 7:28

Atì'nogo ìkì lagaukwama, at Yesùt Ala awì wùrì'mo wene re, ane hùkorogo mel yogoisasike: “An nebe mel, nebe o atoma nen wagagi mel, hit hinelu nogo? An wagagi atì re, an nabusak na'la nen kagalogo wagagi lek o. We, at ane eberogoat enek ikerek mene a'nogo nenat lakhani wagaike meneat he, at ebe hit hinokot o.

MATÌÙT 3:3

Atì ìkì lagaike atì re, at Yesaya Ala ane yogoisìkì lagaike mene a'nogo nen yogoisìkì logolìk he, “Ap aike o leimo apùnì le'ma atoma ane wai ìkì logolìk he, Eiga! Ninoe Etagepogot wesiginkwe, kwe hanorogo tegelhìk, kolo mene higit hogo yatìk, ìkì logoni o, ìlùk waisìlì'logo,” ìlùk Yesaya nen ìkì lagaike a'nogo, at Yohanet ebeat wagaike atì.

MATÌÙT 5:6

Nen, apùnì sùpùrùk mel, i mel, nele agaikarek hak, Ala a'la akikerek mene esinethìlìk hagasu walok akagarek mene atì, sùpùrùk inalabut ning hogo nekarek hak, hobuk Ala nen ina'la hanorogo ebe mene wogisegein atì nen he, ina'la hai hakìkì logousak o.

YOHANET 4:11

Atì'nogo yogosikomo, at he a'nogo nen he, mel yogosike: “Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen.