YOHANET 7:31 - Ala Ane Wene Ket Mene Warogo Wo'ninapike Wene

³¹ It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.

YOHANET 7:31 ပူးပေါင်းရင်းမြစ်များ

MATÌÙT 12:23

Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

YOHANET 11:45

Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa.

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

YOHANET 4:39

Nen, at he a'nogo ouma kisikesik, wene mel yogoisasike: “At ap atì nen, an yì hagatìk, tì hagatìk, hagatì lagì mene obogat pak hogo motok yogonete,” ìlùk yogoisìlìk nìkì lagaike atì ba, apùnì o Samaria mene atoma inebe apigat inetaùken Yesùt oba hìpìrethesukwa.

YOHANET 6:2

I aik ìlì bakwe wùlùpenem he, alebat apùnì inoba ou mene elalinat hagarinapenem ineileken hasukwasi'mo nogo nen he, apùnì inebe apigat esa logolhìlùk, at opolik lagaukwa.

YOHANET 7:26

Meneat he, ebe lakhani! Nayùk e. Ayù'legat logolìk, wene yogonisikenem, it en wene oko yogotì'legat kamo ìlì'lùgì yì. It ap ninogogì kaintek yoma ina'la nen he, Ap yì nit apùnì telninabuagalùk Ala nen lakhei wesigin, ìlùk isike a'nogo ebe arìat, ìlùk ina'la akagasik en ìlì'lùgì he a.

YOHANET 9:16

it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.

LAKSASIKE 8:13

At Simon ebe hogo re, inomat, “Wene atì eberogoat,” ìlùk wanhikomo, ima pelakhesikeat. Atì'nogo pelakhesikesik he, apùnì wene hùthoagalùk, Ala omame ba hagasusak lek mene elalinat hagatenem he, at Simon atì Pilipùt opolik motok nìkì logolìk, eileken hìlìk he, ayùk aga lagaike.

YAKOBÙT 2:26

Ninebe ninareagùn wùlùpenem wa'lagorek atì hak, nina'la nen he, “Ala eberogoat,” ìlùk akìkì logolìgat he, nineki ba nen aike hagatì'lek halok, warek hake logolìk, we tùlemat akìkì lago o.