YOHANET 7:3 - Ala Ane Wene Ket Mene Warogo Wo'ninapike Wene

^3-5 Atì'nogo hakok i wagajkomo logolìk, at Yesùt okawerek agaiya'lak mono hogo re, inetaùken at oba hìpìrethìgì'lek welagaukwa atì non he, met yogosukwa: “Hat hagoromì hane wìlì'lùgì mane amanogo nen, hat hagatetek mane hagatenem ineileken heoak on, o yoma hebùlùk a Yurea pino. Ap metagewerek asuogolùk akìkì logolìk halok he, hinagasogo hagatarek lek o. Halok he, hat hagatì lagen atì, apùnì kweangma mane inebe obogat inelu asuagalùk weinam hogo hagasi pino,” ìlùk yogosukwa.

YOHANET 7:3 ပူးပေါင်းရင်းမြစ်များ

MATÌÙT 12:46

At Yesùt apùnì apik inom logolìk wene yogoisiko were'ma re, at agosa mel, agoromì mel, wene yogosuogolùk oba wagaukwasik he, olilu welagaukwa.

LAKSASIKE 2:14

Inane atì'nogo iko kolek he, at Peterùt a'nogo Yesùt agoromì inebe 11 nen amanogo inomat logolìk, siak hogo melagaike. Melagaikesik ane pak hogo mel yogoisasike: “Hit Yahuri mene mel, hit aike yogotak ya o Yerusalem welagep mene obogat mel, nerùgì nagaiya'lak. An wene igin yì hinelu usuak en he, hinasuk holino o.

YOHANET 7:10

Atì'nogo kamo isikomo, at agaiya'lak amanogo nek pesta a'nogo hagatenem arat pisukwasi'mo nen, at Yesùt hobuk apùnì inokot werek kolek hinagasogo pisike.

LUKAT 8:19

Atì'nogo yogoisiko were'ma, at Yesùt agosa mel, agoromì mel, at oba wagaukwa mene re, apùnì apik inom werek en he, oba kusak lek haga'lagaike.

MAREKÙT 3:31

Wena atì'nogo yogoisasikesik were'ma, at Yesùt agosa mel, agoromì mel, wagaukwasik olilu metek logolìk, Yesùt wùlìbi wesuagalùk apùnì inoba wene warogo kelakhesukwa.

MAREKÙT 3:21

Atì'nogo haga'lagaikomo, apùnì aike nen he, “At etaùken sapan ikesik werek o,” ikenem, it Yesùt agoromì inasuk holìlùk, at ebe wanuogolùk wagaukwa.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 6:60

At Yesùt en wene atì'nogo yogoisasikomo, it at agoromì ane wanhì lagaukwa mene amanogo aike inebe apigat wene atì inasuk holhukwasik he, mel isukwa: “Wene ike atì re, ekin api'mo, sa hak en wanigin akegep. Mea o,” ìlùk isukwa.

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

LUKAT 8:20

Atì'nogo haga'lagaikomo re, it apùnì aike nen mel yogosukwa: “Yesùt! Hat hagosa mel, hagoromì mel, herakhabìk wagaikasik olilu werek o,” ìlùk yogosukwama,