YOHANET 7:28 - Ala Ane Wene Ket Mene Warogo Wo'ninapike Wene

²⁸ Atì'nogo ìkì lagaukwama, at Yesùt Ala awì wùrì'mo wene re, ane hùkorogo mel yogoisasike: “An nebe mel, nebe o atoma nen wagagi mel, hit hinelu nogo? An wagagi atì re, an nabusak na'la nen kagalogo wagagi lek o. We, at ane eberogoat enek ikerek mene a'nogo nenat lakhani wagaike meneat he, at ebe hit hinokot o.

YOHANET 7:28 ပူးပေါင်းရင်းမြစ်များ

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

MATÌÙT 26:55

it ap apik wagaukwa amanogo mel yogoisasike: “Ap yogot wanhenem haksa wagaikarek atì hak, hit en atì'nogoat an hakhanuogolùk, karok mel, payùk mel, motok wolok wagep yì rì! An ninhùp-nanhùp Ala awì wùrì'mo hùrek logolìk wene yakùlisikenem, hit en an yì'nogo hakhanhì'lek welagasibat he,

LUKAT 10:22

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 2:39

Ninopase Etagepogot en ninasuk wasike mene helal wanhukwa a'nogo higit hogo atì'nogo arat hagasukwasik he, at Yesùt agosa opase inaua i Kalilea ima o kota etage Nasaret a'nogo lagai wagaukwa.

LUKAT 2:4

Nen, at Yùsùp hogo re, Taùt en tagokwe mene nogo nen he, o Kalilea tokwe kota etage Nasaret atì nen he, o Yurea ap Taùt ta'lagaike ba, o kota etage Pe'lehem pigìlùk, at Maria eperak lopolek welagaukwa a'nogo eak a'ma were'ma eperagat inetage helal wanuagalùk pisukwa.

LUKAT 2:51

Atì'nogo ìlùk he, at Yesùt agosa opase inom o Nasaret lagai wagaukwa. Lagai wagaukwasik logolìk, at agosa opase inane hanorogo hologo hagatì lagaike. Nen, agosa re, wene amanogo obogat etaùkenma wanhìkesik eberek motok welagaike.

YOHANET 1:46

at Nataniel en he, mel yogosike: “A! O Nasaret a'loma nen hano mene aike elogat wesusak nogo? Mea o,” ìlùk yogosikomo, at Pilipùt en he, “Hat heileken tomok hanok en eme o,” ìlùk yogosike.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 14:10

An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

YOHANET 14:31

Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

YOHANET 5:32

Atì'nogo meneat he, an nebe hùthanuagalùk, nopaso nen nabok pìlìngìrogo yogohisìlì'logo atì, eberogoat yogohisìlì'logo ìlùk, an nelu o.

YOHANET 5:43

An nopase nen lakhani wagaikomo wagagi meneat he, hit en an nebe wo'napì lagep lek. Atì'nogo meneat he, at aike okawerek a'la akalùk waga halok enek he, ebe wanugun hinoabùt hikìkì lagì o.

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

YOHANET 7:14

Pesta a'nogo nìlìk laga kolek heise'ma Yesùt Ala awì wùrì'mo ki lìlìk, wene yakùlisìkì lagaike.

YOHANET 8:14

at Yesùt en he, mel yogoisasike: “An wagagi mene mel, legein mene mel, hit hinokot meneat he, an enek he, nebe o atoma nen wagagi, nen hobuk o atoma legein, ìlùk nelu atì nen he, an nabok inelu asuagalùk nokawerek enat yogoisìkì lagì atì re, wene atì eberogoat yogoisìkì lagì o.

YOHANET 8:16

Mene re, an nen ùkùm inoba heilema re, atì an naligat en hùk. Nopase nen lakhani wagaike mene a'nogo neperagat logolìk ìkì lagì atì nen he, ùkùm higit hogoat apùnì inoba heile o.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

YOHANET 8:26

An nen yì wene tì wene apigat yogohisìgìk, ùkùm hinoba hìgìk, kotìk, usak elok meneat he, at lakhani wagaike mene a'nogo ane eberogoat enek ikerek atì nen, at en ikenem nasuk holhì lagì mene atìat hit kweangma mene yoma yogohisìkì lagì o,” ìlùk yogoisasike.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

YOHANET 9:29

Nen, ap Musa hesik he, wene Ala nenat yogosike, ìlùk, nit ninelu meneat he, ap atì hesik enek he, ebe o koma nen waga mene he, nit ninokot o,” ìlùk ìkì lagaukwama,

LAKSASIKE 17:23

An o hit hinawì sili yoma nìkì logolìk, o wesa hagatì lagep obakwe neileken hìlìk nìkì logolìk, hareken aike awì wùrì'mo ako warogo hisegesep oba atoma helal mel ìlùk oba waganek were'ma neileken hìgì: Yì Walhobak ninokot mene hesik o, ìlùk helal waganek were'ma hìgì. Hit hinokot logolìk hogoratì lagep atì, ebe re, an nen sekek hogo yakùlhisak.

ÙRÙM 1:28

It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

ÙRÙM 3:4

Motok lek o. Apùnì inebe lopok inane inera um lìbìlogo iko halok he, Ala ane eberogoat enek ikerek, ìlùk wene helal waganogo hìkì logolìk he, mel isukwa: “Hat Ala hane eberogoat enek ikenem ebe nek agarek. Apùnì nen mabenethagauogolùk ikenem he, hat he, maben agatek lek o. Homame nek agatek,” ìlùk helal waganogo hesukwa atì.

2 KORÌTÙT 1:18

Lek o. At Ala ane eberogoat enek yogonisikerek atì hak, nit en he, “Ì o,” ìlìk en, “Lek,” ìgìk, yogohisogorek lek.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

1 YOHANET 5:10

Apùnì inetaùken Ala aput oba hìpìrethìlì'lùgì mene hùgì nen he, “Wene atì eberogoat o,” ìlùk ina'la nen hùthìlì'lùgì. Atì'nogo meneat he, apùnì aike inetaùken Ala ba hìpìrethìgì'lek mene hùgì nen he, “Wene Ala okawerek en aput hesik abok isike wene atì eberogoat,” ìlùk akìgì'lek logolìk, Ala apeliak ikerek mene negen hagarogo hìlì'lùgì o.