YOHANET 7:18 - Ala Ane Wene Ket Mene Warogo Wo'ninapike Wene

¹⁸ Halok he, sa nen wene okawerek a'la nen kagalogo ikerek atì, apùnì nen hogorasuagalùk ikerek o. Meneat he, sa nen, at lakhei wagaike mene hogorasuagalùk ikerek halok he, apeliak ikerek motok lek o. We, eberogoat ikerek.

YOHANET 7:18 ပူးပေါင်းရင်းမြစ်များ

YOHANET 5:41

“Atì'nogo hagatesep meneat he, an enek he, apùnì nen hogo'nabuagalùk hagatìrek lek.

1 TESALONIKA 2:6

Hit en nit hogo'ninapìk, it aike nen hogo'ninapìk, apùnì mene nen atì'nogo hogo'ninabuagalùk ìkì lago lek o. We, at Karìsùt en ninayoko hìlìk lakhina wagaikomo wenewule logolìk ninane ning hogo yogohisasak higit welago.

YOHANET 12:28

Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike: “Arat esinethakìgìrìk he, hobuk esinethakegeinat o,” ìlùk yogotenem,

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

MATÌÙT 6:9

Halok he, sapan ìkì logolìk he, yì'nogo ìkì logoino: Ninopase pogot oba mene hokawerek hetage esinethìkì logouagalùk, haga'ninabi me o. Ninebe hawe a'ma logouagalùk hina me o. It pogot oba hat ha'la akegetek mene hagatarek hak, nit kweangma atì'nogoat hagatì logouagalùk, haga'ninabi me o.

YOHANET 11:4

at Yesùt yogosi lagaukwama, asuk holhikesik he, mel yogoisasike: “Oueke atì nen, at ebe motok wa'lasigin hùk. We, an nen hagatenem, apùnì nen Ala ebe hogoratìk, aput an hogo'napìk, uagalùk, oueke atì'nogo oba agama werek atì o,” ìlùk yogoisasike.

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

YOHANET 12:43

It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.