YOHANET 7:12 - Ala Ane Wene Ket Mene Warogo Wo'ninapike Wene

¹² it apùnì apik amanogo inasuk holhukwasik he, inane sami-samok ìkì logolìk, it aike nen he, “At he, hano,” ikenem he, it aike nen he, “Lek o. At he, weak. Apùnì lalinabì'logo,” ìlùk isukwa.

YOHANET 7:12 ပူးပေါင်းရင်းမြစ်များ

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 21:46

Yesùt ebe hakhouogolùk isukwa meneat he, apùnì inebe logolegat en, “At Yesùt atì Ala ane yogonisikerek mene o,” ìlùk, egaresi'mo nogo nen he, inayùk en he, hebesukwa.

MATÌÙT 27:63

“Ninoe. Apùnì lalinabìk nìkì laga mene a'nogo, eluk logolìk yogoisìkì logolìk he, Neki pìre warek logopik he, neki aike yì nen he, neluk asigin o, ìlùk isike a'nogo nen he,

LUKAT 18:19

at Yesùt en he, mel yogosike: “Hat hano, ìlùk yogoneten atì nìkì'nogo nen yogoneten. At aike hano lek o. We, at Ala aligat hano o.

LUKAT 23:47

Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he, “Ap yì eberogoat weak hagatì'le'ma hìgì o,” ìlùk isike.

LUKAT 23:50

Atì'nogo hagasukwama re, ap aike etage Yùsùp, aua apùnì Yahuri mene inawì kota aike etage Arimatea atì mene. A'la nen he, “Ala nen awe a'ma mera nen hinegein,” ìlùk serogo logolìk, oabùt hano higit hagatì lagaike mene, ebe Yahuri inogogì kaintek wene pìlìngìsùogolùk inom atogotì lagaukwa mene. Atì'nogo meneat he, it agaiya'lak en, Yesùt abok palogo wasukwa atì, at en, “Ì o, wasuok,” ìlùk ìgì'lek welagaikesik en,

LUKAT 6:45

Apùnì nen yì wene tì wene inapema nen egarek atì re, ina'la peserek logolìk, kagalogo lagai waganem egarek o. Inoabùt hano mene ina'la hano mene peserek logolìk, wene hano meneat wulabi wagaikarek o. Meneat he, apùnì inoabùt weak mene ina'la weagat logolìk wene weak meneat wulabi wagaikarek o,” ìlùk yogoisasike.

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

YOHANET 6:14

Atì'nogo kalogo hesukwama, at Yesùt en ebe hùthoagalùk elalinat hagasike mene atì, it apùnì ineileken hasukwasi'mo nogo nen be, mel isukwa: “Ap aike nen Ala ane kweangma yogonisa wesigin isukwa a'nogo eberogoat he, ebe yìat o,” ìlùk isukwa.

YOHANET 7:32

Atì'nogo ìkì logolìk, it apùnì apik amanogo inane samisamok Yesùt abok ikenem, it ap Parisi mene inasuk holhukwasik he, it ap Ala esewerek inogogì kaintek inom en ap Ala awì wùrìk serogo welagaikarek mene aike nen Yesùt ebe hakhouagalùk wene warisasukwa.

YOHANET 7:47

it ap Parisi mene amanogo nen he, mel yogoisasukwa: “Hit hogo re, at en lalhinapomo nen ìkì lagep?

YOHANET 7:52

it en at mel yogosukwa: “Hat hogo re, haua o Kalilea mene nogo? Ap Ala ane yogoisagarek mene aike o Kalilea nen wesigin ìlùk Ala ane ba helal waganek aike were'ma heileken hegein motok lek a'naga re, heileken hanorogo hìthìkì logoino,” ìlùk yogosukwa. [

YOHANET 9:16

it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.

ÙRÙM 5:7

Ap aike nen he, “An nebe at oabùt higit mene atì hesik, obùlù'mo wa'lasigin,” ìlùk usak he, ekinat o. Atì'nogo meneat he, ap aike ayù'lek mene nen he: “An nebe ap oabùt hano mene atì hesik obùlù'mo wa'lasigin,” ìlùk akasagat he a.

PILIPI 2:14

Hit en he, at Ala eilhanem ùkùm hinoba legat, nen, weak mene hina'la legat logouogolùk halok he, hinebe Ala againapùrì weak hagatì'lek tegelek motok logolìk, o mùm were'ma hesagal en lìathikerek hak, apùnì yoma inoabùt kolo weak hagatarek mene ina'lakwe lìarogo logolìk, yì mene tì mene hagatì logolìk, “Ninabìt,” ìlùk yìarek-puarek hagatì'legat, wene palhi'legat, hagatì logoino.