YOHANET 7:11 - Ala Ane Wene Ket Mene Warogo Wo'ninapike Wene

¹¹ Atoma pisikesik werek kolek, it ap kaintek Yahuri mene pesta hagatenem logolìk Yesùt ebe herasuogolùk hinok wanhì logolìk he, “At ebe koma werek,” ìlùk isukwama,

YOHANET 7:11 ပူးပေါင်းရင်းမြစ်များ

YOHANET 11:56

Atogosukwasik werek kolek, it ap Ala esewerek mene inogogì kaintek mene mel, Parisi mene mel en wene mel isukwa: “It apùnì aike Yesùt ebe werek inelu halok he, nit an at ebe hakhouagalùk yogonisa wesuak o,” ìlùk weim yoko wulaksasukwasi'mo nogo nen he, it apùnì amanogo Ala awì wùrì'mo logolìk, Yesùt herarìk it-it hinok wanhì logolìk he, “At he, pesta hagatenem yì wesigin akìkì lagep a? Lek a,” ìlùk ìkì lagaukwa.

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 7:1

Wene atì'nogo arat yogoisalùk he, it ap kaintek Yahuri mene nen, Yesùt ebe wasuogolùk weim abok ìkì lagaukwa atì nen he, at ebe o Yurea pìlìk nìkì logou abìt en he, a Kalilea tokwe atoma nìkì lagaike.

YOHANET 7:13

Atì'nogo isukwa meneat he, it ap kaintek Yahuri mene inayùk en he, inane weinam hogo Yesùt abok ìgì'lek. We sami-samok enek isukwa atì.

YOHANET 7:15

Yakùlisikenem he, it ap kaintek Yahuri mene nen he, mel isukwa: “Egi! Nayùk e. Ap yì sekola hagatì'lek meneat he, yì wene tì wene yoma nìkì'nogo nen elu aga akegep,” ìlùk isukwama,

YOHANET 9:12

it en at yogotì logolìk he, “Ap atì ebe koma werek?” ìlùk isukwama, at en he, “An nokot o,” ìlùk yogoisasike.