YOHANET 6:70 - Ala Ane Wene Ket Mene Warogo Wo'ninapike Wene

⁷⁰ at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

YOHANET 6:70 ပူးပေါင်းရင်းမြစ်များ

YOHANET 13:27

Atì'nogo wogosikomo, at Yùrat sùpùrùk horoti mene a'nogo ekim wanho kolek aremnogoat a'la Ibilit kisike. Atì'nogo kisikomo, at Yesùt en yogotì logolìk he, “Hat en hagasigìlùk akegen mene atì hepogat hagasin o,” ìlùk yogosike.

YOHANET 13:2

Logolìk he, at agoromì amanogo inom o hùako sùpùrùk omakìma nikenem, Yùrat, Simon Isikariot aput a'nogo, a'la Ibilit kisikesik he, Yesùt ebe wasuak en he, “Yoko lan o,” ìlùk a'la kagalhike.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

YOHANET 6:64

Wene atì ba inelugurinaperek meneat he, hit he'nakìt yoma eberogoat ìlùk hinetaùken an noba hìpìrethìgì'lek welagep hìgì,” ìlùk yogoisasike. Atì'nogo yogoisasike atì re, it aike inetaùken at oba hìpìrethìgì'lek mene mel, at aike nen Yesùt ebe wasuagalùk yoko legein mene mel, it atì, atì'nogo hagasugun, ìlùk at emakum enat elu welagaikesi'mo nogo nen he, wene atì'nogo yogoisasike atì.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

1 TIMOTÌÙT 3:11

Atì hagat he, it atì inagagwì inoba haro logolìk inahùsipi weak ìlìk negarek lek mene halok, weak hagasuagalùk ina'la kagalhenem tok wokhagarek hak wokhagarek mene halok, inoabùt lenurek mene halok, inoabùt atì hake halok, inagonì leberisùgùkwe mene logouagalùk menhisasak o.

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 13:21

At Yesùt en, wene atì'nogo arat yogoisasikesik oba nen, at a'la weak agaikomo, ane pak hogoat mel yogoisasike: “Hit ap hinebe ya mene aike nen an nebe noasuagalùk yoko legein o, ìlùk eberogoat yogohisìgì,” ìlùk yogoisasike.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

TITUT 2:3

Ati hagat he, it hìmì inalùgetek mene atì, apùnì Ala awe a'ma logolìk, inoabùt higit hogo hagatarek hak, hagatì logolìk, apùnì aike inabok weak palhìi'legat, inogogì kaintek inawe a'ma welagaikarek hak, i anggur eken amusu awe a'ma negen logolìk, inoba lagolek nekarek atì'nogo nìkì'legat logolìk, it en it aike hanorogo hagatì logousak hesik, yakùlisìkì logouagalùk inasuk watì logoinoat o.

LAKSASIKE 13:10

mel yogosike: “Hat hebe Ibilit aput o. Apùnì lalinapìk, nongorinapìk, iko motok logolìk, yì mene tì mene higit hagasuogolùk ikenem he, hat en legetsagalùk hagato motok welagen yì rì! Ninoe Etagepogot en, apùnì telninabigìlùk kwe higit hogo yakhinasike mene, hat en kamo ìgì'lek kolotheigìlùk iko motok welagen atì nahalok.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 6:67

Atì'nogo pùgùlhukwama, at Yesùt en agoromì 12 nen amanogo mel yogoisasike: “Hit hogo re, atì'nogoat herakhanìlùk pùgùluogolùk akìkì lagep a?” ìlùk, yogoisasike.

YOHANET 6:71

Wene atì'nogo isike atì re, ap Simon Isikariot aput etage Yùrat hesik isike. At ap atì ebe Yesùt agoromì inebe 12 nen amanogo meneat he, hobuk Yesùt ebe wasuagalùk yoko lagaike atì mane hesik isike atì.

YOHANET 20:24

At Yesùt ebe agoromì inelokoma melagaike atì sat he, inebe 12 nen amanogo mene it he'nakìt enek were'ma. Nen, at Tomat etage aike Hùlìpmìo mene egarek a'nogo ebe inom le'ma wagaike.