YOHANET 6:68 - Ala Ane Wene Ket Mene Warogo Wo'ninapike Wene

⁶⁸ Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

YOHANET 6:68 ပူးပေါင်းရင်းမြစ်များ

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

LAKSASIKE 4:12

At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.

LAKSASIKE 5:20

Wogisek wùlìbi wagaikesik, at en yogoisìkì logolìk he, “Hit hinebe Ala awì wùrì'mo lano o. Lìlìk atoma kìlìk metek logolìk he, wene hano wene hinebe hineluk logolìk ket hùnogoat hagatì logousak wene atì obogat yogoisa lano,” ìlùk yogoisasike.

LAKSASIKE 7:38

Nen, ninopalak inom o leimo apùnì le'ma atoma atogorek were'ma, tom Sinai atì a'ma malaikat Ala nen yoko pelaksa wagarek mene amanogo aike oba pi wagaikesik he, eperak wene ane isukwa atì, at Musa at o. Ninopalak amanogo inomat were'ma, at Ala nen, wene nineluk logogun wene atì, nit yogonisoagalùk yogosike atì, at Musa at o.

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

MAREKÙT 8:29

Atì'nogo yogosukwama at en he: “It en atì'nogo ìlì'lùgì meneat he, hit enek he, an nebe hesik, sa ìkì lagep nogo,” ìlùk yogoisasikomo, at Peterùt a'nogo nen he: “Hat hebe re, Karìsùt nit telninabuagalùk Ala nen lakhei wesigin ìlùk abok yogonisasike a'nogoat o,” ìlùk isikomo re,

LUKAT 9:20

Atì'nogo yogosukwama, at Yesùt en mel yogoisasike: “It en atì'nogo ìlì'lùgì meneat he, hit enek he, an nebe hesik sa ìkì lagep nogo,” ìlùk yogoisasikomo at Peterùt en he, mel yogosike: “Hat hebe re, Karìsùt, nit telninabuagalùk Ala nen lakhei wesigin ìlùk abok yogonisasike a'nogoat o,” ìlùk yogosikomo,

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 12:50

Nan, at on nit nineluk logouagalùk wene ninasuk warogo, Yì'nogo haga'no, tì'nogo haga'no, ìlùk ninasuk warogo yogonisikerek atì nit nineluk logouagalùk yogonisikerek, ìlùk an nelu o. At nopase nen wene yogonìrì'logo meneat yogohisìkì lagì o,” ìlùk yogoisasike.

LAKSASIKE 13:26

“Halok he, hit apùnì Aberaham en tagokwe mane mel, etakwe mene Ala ane hologo hagatì lagep mene yoma hinom welagep mene mel, nerùgì nagaiya'lak. Wene telninabusak wene atì Ala nen nirat ninoba lakhei wagama yì.

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]