YOHANET 6:64 - Ala Ane Wene Ket Mene Warogo Wo'ninapike Wene

⁶⁴ Wene atì ba inelugurinaperek meneat he, hit he'nakìt yoma eberogoat ìlùk hinetaùken an noba hìpìrethìgì'lek welagep hìgì,” ìlùk yogoisasike. Atì'nogo yogoisasike atì re, it aike inetaùken at oba hìpìrethìgì'lek mene mel, at aike nen Yesùt ebe wasuagalùk yoko legein mene mel, it atì, atì'nogo hagasugun, ìlùk at emakum enat elu welagaikesi'mo nogo nen he, wene atì'nogo yogoisasike atì.

YOHANET 6:64 ပူးပေါင်းရင်းမြစ်များ

YOHANET 10:26

hit hinebe an mene topa hùk, hunigat atì nen he, nebe hùthanhì lagep lek atì o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

2 TIMOTÌÙT 2:19

Mene re, Ala nen o tik negen wasike mene ningsek motogat logogin atì ba helal mel ìlùk waganek werek atì: “Ninoe Etagopogot okawerek againapùrì wenaginapike mene atì inebe elu o,” ìlùk isike. Nen, wene aike re, “It aike nen he, An nebe ninoe Etagepogot apurat o, ìlùk, ìlì'lùgì mene hùgì, Weak hagasusak ninabìt o, ìlùk heraksalùk kwanìrogo wo'lakìkì logouak o,” ìlùk, isikomo helal waganek werek atì.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

YOHANET 6:61

Atì'nogo at ebe yogotì'lek isukwa meneat he, at an he, “Wene ìgì a'nogo hesik nagoromì nen ua palogo wene palì'lùgì hìgì,” ìlùk inoabùt enagat palhikesik mel yogoisasike: “Wene yogohisìgì a'nogo nen, At ninabìt, ìlùk kobologo herakhanuogolùk ìkì lagep a?

YOHANET 5:42

Hit enek he, Ala hinetawìrogo welagasep motok lek atì, an hinoabùt nelu o.

LAKSASIKE 15:18

atì'nogo ninelu asuagalùk hageat yogonisasikomo, helal waganogo hesukwa atì.

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

YOHANET 6:36

Mene re, an nen wene alep yogohisìgì hagat, hineileken nììkì lagep meneat he, hinetaùken noba hìpìrethousak hinabit o.

YOHANET 8:23

at en mel yogoisasike: “An nebe re, pogot abel pokwe mene wagagisik welagì o. Mene re, hit enek he, abel makwe yoma mene. Hinawì ero kweangma yomaat o. Mene re, an nawì ero kweangma yoma lek o.

MATÌÙT 10:4

Simon “O Kana'an yoma ninawìwerek mene hùgì nek logouok o,” ìlùk ìkì lagaike a'nogo mel, Yùrat Isikariot Yesùt wasuagalùk hobuk yoko lagaike mene a'nogo mel, inetage atem.

YOHANET 6:60

At Yesùt en wene atì'nogo yogoisasikomo, it at agoromì ane wanhì lagaukwa mene amanogo aike inebe apigat wene atì inasuk holhukwasik he, mel isukwa: “Wene ike atì re, ekin api'mo, sa hak en wanigin akegep. Mea o,” ìlùk isukwa.

YOHANET 18:4

Lagaukwama, at Yesùt en, “An nebe hobuk yì'nogo haga'nabugun,” ìlùk obogat elu welagaike atì nen, inoba wagaikesik he, mel yogoisasike: “Hit sa herarìk wagep,” ìlùk yogoisìkì lagaikomo,