YOHANET 6:63 - Ala Ane Wene Ket Mene Warogo Wo'ninapike Wene

⁶³ Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

YOHANET 6:63 ပူးပေါင်းရင်းမြစ်များ

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

KALATIA 5:25

Ma re, yogotak Ala Areagùn nenat ninoabùt ket mene hagarogo hinikomo nineluk logolìk, at en yogonisikerek mene nek higit hogo hagatì logousak o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

1 KORÌTÙT 15:45

Wene atì'nogo ìlùk, Ala ane helal wanhì logolìk he: “Ap Aram emakum mene atì, ebe eluk mene elalhike,” ìlùk helal waganogo hesukwa. Meneat he, ap Aram hobuk mene atì, Areagùn nen inelugurinaperek mene wagaike.

ÙRÙM 10:17

Mene re, hano wene atì, Karìsùt abok yogoisa laganemat inasuk holharek o. Nen, wene inasuk holìlùgat, inetaùken at oba hìpìrethagarek o.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

1 TIMOTÌÙT 4:8

Apùnì inebe hesik mop eluk hogo ineki aike wanharek atì, yogotak ya elama hesik hamùlùgat hano negen hagatarek. Meneat he, ninetaùken hesik Ala awe a'ma logolìk, at eyabu wanhì logoumo, at Ala nen he, “Yogotak hineluk welagep mene hesik mel, hobuk hineluk motok logogun mene hesik mel, hano motok asìgìn o,” ìlùk, abok yogonisasike atì eberogoat.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

ÙRÙM 2:25

Hit he, wene Ala nen ninasuk wasike wene a'nogo hologo hagatì lagep halok he, hinogat hinekalìma mene palhesep atì re, hano motok usak. Meneat he, wene atì hologo hagatì'lek halok he, hinogat hinekalìma mene palhesep atì alemarogo palhesep atì nen he, pale'lek mene negen welagep o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

YOHANET 5:21

Nen, an nopase nen aùnì warek mene inelugurinaperek atì hak, aput an nen apùnì warek mene atì'nogoat inelugurinabigin, ìlùk na'la akìgìrek mene hùgìat inebe lopok inelugurinapìrek.

LAKSASIKE 5:20

Wogisek wùlìbi wagaikesik, at en yogoisìkì logolìk he, “Hit hinebe Ala awì wùrì'mo lano o. Lìlìk atoma kìlìk metek logolìk he, wene hano wene hinebe hineluk logolìk ket hùnogoat hagatì logousak wene atì obogat yogoisa lano,” ìlùk yogoisasike.